तालुक्यातील चिंचखेड येथील सुनील धंदरे व महादेव लोखंडे यांच्यात जुन्या कारणावरून रविवारी वाद झाला. वादाचे रूपांतर हाणामारीत झाले. यामध्ये सुनील धंदरे यांच्या डोक्याला महादेव लोखंडे याने दगडाने मारहाण केली. या हाणामारीत सुनील धंदरे गंभीर जखमी झाले असून, त्यांना उपचारार्थ नागपूर येथे हलविण्यात आले आहे. या प्रकरणी सुनील धंदरे यांच्या तक्रारीवरून पातूर पोलिसांनी आरोपी महादेव लोखंडे यांच्याविरोधात भादंविच्या कलम ३२४, ५०४ नुसार गुन्हा दाखल केला आहे.
-----------------------------
अल्पवयीन युवतीचे अपहरण
पातूर : तालुक्यातील अल्पवयीन युवती माॅर्निंग वॉकसाठी जात असताना अज्ञात व्यक्तीने युवतीचे अपहरण केल्याची तक्रार अपहरण झालेल्या युवतीच्या वडिलांनी पातूर पोलिसांत दिली. यावरून पोलिसांनी अज्ञात आरोपीविरुद्ध गुन्हा दाखल केला आहे.
तालुक्यातील १६ वर्षीय युवती रविवारी सकाळी मॉर्निंग वॉकसाठी घरून निघाली असता अज्ञात व्यक्तीने युवतीचे अपहरण केले. बराच वेळ झाल्यानंतर युवती घरी न परतल्याने युवतीच्या वडिलांनी पातूर पोलिसात धाव घेत तक्रार दाखल केली. वडिलांच्या तक्रारीवरून पातूर पोलिसांनी अज्ञात आरोपीविरोधात भादंविच्या कलम ३६३ नुसार गुन्हा दाखल केला आहे. पुढील तपास पातूर पोलीस करीत आहे.