अकोला : विधानसभा निवडणुकीत जिल्ह्यात अकोला पश्चिम मतदारसंघ वगळता इतर चार म तदारसंघात उमेदवारांची संख्या पंधरापेक्षा जास्त आहे. त्यामुळे या चारही मतदारसंघांसाठी आवश्यक असलेले १ हजार ४00 ह्यबॅलेट युनिटह्ण निवडणूक आयोगामार्फत मंगळवारी प्राप्त झाले. प्राप्त झालेले बॅलेट युनिट चारही मतदारसंघात वितरित करण्यात आले. विधानसभा निवडणुकीच्या रिंगणात उतरलेल्या जिल्ह्यातील पाच मतदारसंघातील उमेदवारांचे चित्र १ सप्टेंबर रोजी स्पष्ट झाले. त्यामध्ये अकोला पूर्व २५, अकोला पश्चिम १५, आकोट १८, बाळापूर १६ आणि मूर्तिजापूर मतदारसंघात १९ उमेदवार निवडणूक लढवित आहेत. इलेक्ट्रॉनिक मतदान यंत्रांद्वारे घेण्यात येत असलेल्या मतदान प्रक्रियेत मतदान यंत्रांच्या ह्यबॅलेट युनिटह्णवर एकूण १६ बटण असतात, त्यामध्ये १५ उमेदवारांच्या नावांसमोरील बटणांसह १६ व्या क्रमांकावर ह्यनोटाह्णचे बटण असते. त्यानुसार विधानसभा निवडणुकीसाठी जिल्ह्यासाठी उपलब्ध एकूण १ हजार ८३९ बॅलेट युनिटपैकी १ हजार ३६७ बॅलेट युनिट यापूर्वी जिल्हा प्रशासनामार्फत जिल्ह्यातील पाच मतदारसंघात वितरित करण्यात आले. उर्वरित ४७२ बॅलेट युनिट जिल्हा निवडणूक विभागाकडे आरक्षित आहेत; मात्र अकोला पश्चिम मतदारसंघ वगळता जिल्ह्यातील अकोला पूर्व, आकोट, बाळापूर व मूर्तिजापूर या चार मतदारसंघात उमेदवारांची संख्या १५ पेक्षा जास्त असल्याने, या चारही मतदारसंघात मतदान प्रक्रियेत दुप्पट ह्यबॅलेट युनिटह्ण लागणार आहेत. त्यासाठी १ हजार २८ बॅलेट युनिट उपलब्ध करून देण्याची मागणी जिल्हा निवडणूक विभागामार्फत गुरुवारी राज्याच्या मुख्य निवडणूक अधिकार्यांकडे पत्राद्वारे करण्यात आली होती. त्यानुषंगाने आकोट, बाळापूर, अकोला पूर्व व मूर्तिजा पूर या चार मतदारसंघांसाठी राज्याचे मुख्य निवडणूक अधिकारी कार्यालयामार्फत ठाणे येथून १ हजार ४00 ह्यबॅलेट युनिटह्ण मंगळवारी जिल्हाधिकारी कार्यालयाला प्राप्त झाले. प्राप्त झालेल्या बॅलेट युनिटचे रॅन्डमायझेशन करून चारही मतदारसंघात वितरित करण्याचे काम मंगळवारीच सुरू करण्यात आले, असे उपजिल्हाधिकारी (निवडणूक) उदय राजपूत यांनी सांगितले.
** मतदान यंत्रांना आज लागणार सील!
विधानसभा निवडणुकीसाठी जिल्ह्यातील पाच मतदारसंघात १५ ऑक्टोबर रोजी होणार्या म तदानासाठी इलेक्टॉनिक मतदान यंत्रांचे (ईव्हीएम) वाटप करण्यात आले आहे. विधानसभा म तदारसंघनिहाय वाटप करण्यात आलेल्या इलेक्ट्रॉनिक मतदान यंत्रांना बुधवार, ८ ऑक्टोबर रोजी ह्यसीलह्ण लावण्यात येणार आहे. अकोला पश्चिम व अकोला पूर्व या दोन मतदारसंघांच्या मतदान यंत्रांना अकोल्यातील खदानस्थित शासकीय धान्य गोदाम येथे ह्यसीलह्ण लावण्याचे काम करण्यात येणार आहे, तर उर्वरित तीन मतदारसंघातील मतदान यंत्रांना संबंधित मतदारसंघांच्या ठिकाणी सील लावण्यात येणार आहे. निवडणूक निरीक्षक, निवडणूक निर्णय अधिकार्यांच्या उपस्थितीत ही प्रक्रिया होणार आहे.