अकोला: शहरात कोरोना विषाणूचा प्रादुर्भाव वाढत चालला असून रुग्णांच्या संख्येत वाढ झाली आहे. मंगळवारी शहरातील विविध चाचणी केंद्रांत अकोलेकरांनी गर्दी केल्याचे चित्र पहावयास मिळाले. यावेळी तब्बल १९६१ जणांनी नाकातील स्त्रावाचे नमुने दिले. यादरम्यान, महापालिकेला जिल्हा सामान्य रुग्णालयाकडून प्राप्त अहवालानुसार शहरातील तब्बल २७२ जणांना कोरोनाची लागण झाल्याचा अहवाल प्राप्त झाला आहे.
मागील काही दिवसांपासून महापालिका क्षेत्रात कोरोनाचा प्रादुर्भाव वाढत चालला आहे. ही बाब लक्षात घेता मनपा प्रशासनाच्यावतीने झोननिहाय चाचणी केंद्र सुरू करण्यात आले आहेत. तसेच फिरत्या चार व्हॅनद्वारे नागरिकांची चाचणी केली जात आहे.
शहरात काेराेनाचा झपाट्याने प्रादूर्भाव वाढत चालला आहे. ही बाब पाहता मनपाने चाचणीसाठी केंद्र सुरू केले आहेत. मंगळवारी चाचणीसाठी नागरिकांनी गर्दी केल्याचे चित्र हाेते.
२७२ जणांना काेराेना
जिल्हा सामान्य रुग्णालयाकडून प्राप्त अहवालानुसार मनपा क्षेत्रातील २७२ जणांना काेराेनाची लागण झाली आहे. यामध्ये पुर्व झोन अंतर्गत 110, पश्चिम झोन अंतर्गत 32, उत्तर झोन अंतर्गत 42 आणि दक्षिण झोन अंतर्गत 88 अशा एकुण 272 नागरिकांचे अहवाल पॉझिटिव्ह आले आहेत.