लक्षणे दिसताच घ्या वैद्यकीय सल्ला
अकोला: गत आठवड्यापासून जिल्ह्यात थंडीचा जोर वाढत असून अनेकांना सर्दी, खोकला तसेच तापीचे लक्षणे दिसून येत आहेत. रुग्णांनी या लक्षणांकडे दुर्लक्ष न करता डॉक्टरांचा सल्ला घ्यावा. तसेच डॉक्टरांच्या सूचनेनुसार औषधोपचारासह कोविड चाचणी करून घ्यावी, असे आवाहन आरोग्य विभागामार्फत केले जात आहे.
जिल्ह्यात रक्ताचा तुटवडा कायम
अकोला: मागील आठ महिन्यांपासून जिल्ह्यात रक्ताचा तुटवडा भासत आहे. शासनाच्या आवाहनानंतर जिल्ह्यात डिसेंबर महिन्यात लक्षणीय रक्तसंकलन झाले. त्यामुळे काही प्रमाणात दिलासा मिळाला; मात्र यातून वर्षभरातील तूट भरून निघणे कठीण आहे. त्या अनुषंगाने जिल्ह्यातील सामाजिक कार्यकर्त्यांसह रक्तदात्यांनी रक्तदान करावे, असे आवाहन आरोग्य विभागाकडून केले जात आहे.
‘नो मास्क, नो सवारी’चा विसर
अकोला: जिल्ह्यात कोरोनाचा फैलाव रोखण्यासाठी विशेष खबरदारी म्हणून ‘नो मास्क, नो सवारी’ हे अभियान राबविण्यात आले होते. जिल्हाधिकारी यांच्या आवाहनाला प्रतिसाद देत ऑटोचालकांसह नागरिकांनीही मास्क घालूनच प्रवास केला; मात्र काही दिवसांतच या अभियानाकडे अनेकांचे दुर्लक्ष होताना दिसून येत आहे.