अकोला : चार्टर्ड अकाउंटंट (सी.ए.) अंतिम परीक्षेचा निकाल गुरुवारी लागला असून, अर्पित चांडक हा अकोल्यातून प्रथम, तर देशातून ४१ वा क्रमांक घेऊन उत्तीर्ण झाला आहे. जिल्ह्यातील एकूण १८ विद्यार्थी या परीक्षेत उत्तीर्ण झाले असून, अकोल्याचा गौरव वाढवला आहे. सी.ए. अंतिम परीक्षेचा निकाल लागला असून, यामध्ये जिल्ह्यातील १८ विद्यार्थ्यांनी यश संपादन केले आहे. या परीक्षेसाठी जिल्ह्यातून ११0 विद्यार्थी बसले होते, त्यापैकी अर्पित चांडकसह अंतरा चौधरी, कौशल चोपडा, अंकेश सांगाणी, जयेश बजाज, श्रेया माहेश्‍वरी, निकिता काबरा, राधिका परांजपे, कृष्णा गांधी, सुमीत वरूडकर, हितेश गणात्रा, सतीश थावरानी, अंकित मेहता, भावना इंद्रप्रकाश, कोमल मनवानी, विष्णू खंडेलवाल, अनुश्री अग्रवाल आणि अभिलाष अग्रवाल अशा एकूण १८ विद्यार्थ्यांनी यश संपादन केले. यासोबतच सी.ए. सीपीटी परीक्षेचादेखील निकाल गुरुवारी लागला असून, यामध्ये यमन दज्जुका अकोल्यातून प्रथम, तर राज्यातून ७ वा मेरिट आला आहे. या परीक्षेत जिल्ह्यातील ११२ विद्यार्थी उत्तीर्ण झाले आहेत. यामध्ये निकिता गुप्ता, धारा रोहित जोगी, निकिता खियानी, अर्पित असनारे, रश्मी अग्रवाल, पायल नागवानी, सूर्या कोटेचा, शुभम मुंदडा, श्रीनिधी काबरा, ज्योती अग्रवाल, रिषभ काबरा आदी विद्यार्थ्यांचा समावेश आहे.
** आय.एस. सी.ए. मध्ये निधी देशात प्रथम
सी.ए. अंतिम परीक्षेच्या दुसर्‍या गटात आय.एस. सी.ए. या विषयात ९२ गुण प्राप्त करून निधी देशात प्रथम ठरली आहे.