अकोला : जिल्हा परिषदेच्या विविध विभागांत सोमवारी सकाळी केलेल्या पाहणीत गैरहजर आढळून आलेल्या व कार्यालयात उशिरा आलेल्या २0 'लेटलतीफ' कर्मचार्यांना जिल्हा परिषद मुख्य कार्यकारी अधिकारी (सीईओ ) एम. देवेंदर सिंह यांनी समज देऊन, यापुढे कार्यालयात उशिरा येणे चालणार नसल्याचा इशारा दिला.जिल्हा परिषदेचे नवे सीईओ एम.देवेंदर सिंह यांनी सोमवारी सकाळी १0.३0 वाजता जिल्हा परिषद आवारातील विविध विभागांच्या कार्यालयांना भेट देऊन, कर्मचार्यांच्या उपस्थितीची माहिती घेतली.त्यामध्ये कार्यालयीन कामकाजाची वेळ सुरु झाल्यानंतर २0 कर्मचारी गैरहजर आढळून आले. विविध विभागांच्या कार्यालयात उशिरा आलेल्या या कर्मचार्यांना संबंधित विभागप्रमुखांसह 'सीईओ' कक्षात बोलावून, कार्यालयात उशिरा येण्याबाबत 'लेटलतीफ' कर्मचार्यांना विचारणा केली तसेच यापुढे कार्यालयीन कामकाजाच्या निर्धारित वेळेपेक्षा उशिराने येणे चालणार नाही, वेळेवर कार्यालयात आले पाहिजे, अशी समज सीईओ एम. देवेंदर सिंह यांनी 'लेटलतीफ' कर्मचार्यांना दिली.जिल्हा परिषद कार्यालयीन कामकाज सुरु होण्याच्या वेळेत कार्यालयात यावे, अन्यथा कार्यवाही करण्यात येणार आहे, अशी समज संबंधित कर्मचार्यांना दिली. विविध विभागांत बायोमॅट्रिक मशीन आणि 'सीसी' कॅमेरे लावण्यात येणार असल्याचे मुख्य कार्यकारी अधिकारी एम. देवेंदर सिंग यांनी स्पष्ट केले.
२0 कर्मचारी आढळले गैरहजर
By admin | Updated: January 21, 2015 01:17 IST