नेवासा : वडाळा बहिरोबा येथे शेतकऱ्यांच्या विविध मागण्यांसाठी केलेल्या चक्का जाम आंदोलन प्रकरणी दाखल गुन्ह्यात नेवासा न्यायालयाने माजी आमदार शंकरराव गडाख व जिल्हा परिषद सदस्य सुनील गडाख यांच्याविरूद्ध पकड वॉरंट काढले आहे. शनिवारी (दि़ १६) या दोघांना हजर करण्याचे आदेश न्यायालयाने दिले आहेत.वडाळा बहिरोबा येथील रास्ता रोको व चक्का जाम आंदोलन प्रकरणी १४ आॅगस्ट २०१७ रोजी नेवासा पोलीस ठाण्यात भादंवि कलम ३४१, १४३, १४९ व १८८ नुसार गुन्हा दाखल करण्यात आलेला होता. त्यानुसार शंकरराव गडाख व सुनील गडाख यांना १६ मार्चला न्यायालयात हजर करावे, असा आदेश प्रथमवर्ग न्यायदंडाधिकाऱ्यांनी सोनई पोलिसांना बजावला आहे.
माजी आमदार गडाख यांना न्यायालयात हजर करण्याचे आदेश
By लोकमत न्यूज नेटवर्क | Published: March 16, 2019 4:33 PM