शहरं
Join us  
Trending Stories
1
महापालिका निवडणूक आधी घेता येईल? राज्य निवडणूक आयोग करतोय चाचपणी
2
सर्वोच्च न्यायालयाचा अंतरिम निर्णय, निवडणुकांचा मार्ग मोकळा; आता पुढे काय होणार?
3
एकाच कुटुंबातील ६ जणांना उमेदवारी; विरोधकांच्या टीकेनंतर शिंदेसेनेला सुचलं शहाणपण, यापुढे...
4
आमचा बाप व्हायचा प्रयत्न केला, तर त्याला त्याचा बाप दाखवून देऊ; मंत्री गणेश नाईकांचा इशारा
5
राज ठाकरेंच्या भेटीनंतर आठवडाभरातच पक्षाला रामराम; प्रकाश भोईर 'मनसे' बाहेर, भाजपात प्रवेश करणार?
6
वायू प्रदूषण रोखणे गरजेचे! शहरातील बांधकामांच्या पाहणीसाठी हायकोर्टाने नेमली ५ सदस्यीय समिती
7
मुंबईत आजपासून पुन्हा हुडहुडी! महामुंबईसह उत्तर कोकणाचा पारा १५ अंशांपर्यंत घसरण्याची शक्यता
8
राजेश अग्रवाल राज्याचे नवे मुख्य सचिव, रविवारी स्वीकारणार पदभार, १ वर्षाचा मिळणार कालावधी
9
पत्नीची हत्या करून पळालेल्या खुन्याची भांडूपमध्ये लोकलखाली येत आत्महत्या
10
कांदा निर्यात धडाम...! केंद्राचे धोरण आड आले;  बांगलादेश, सौदी अरब सारख्या देशांनी फिरवली पाठ
11
हर्बालाइफचा नवा 'लिफ्ट ऑफ' – शून्य साखर असलेलं, ऊर्जा देणारं इफर्व्हेसंट ड्रिंक, तुमचा दिवस बनवा अधिक जोमदार 
12
अविस्मरणीय अन् ऐतिहासिक! PM मोदींच्या हस्ते गोव्यात ७७ फूट उंच 'श्रीराम मूर्ती'चे अनावरण
13
५ राजयोगात १४१ दिवसांनी शनि मार्गी: ९ राशींचे कल्याण, सुख-समृद्धीचे वरदान; सौभाग्य-यश-लाभ!
14
“काँग्रेसमध्ये काही राहिले नाही, वडेट्टीवारांनी खांद्याला धनुष्यबाण लावावा”; कुणी दिली ऑफर?
15
Ayush Mhatre Century : षटकार-चौकारांची 'बरसात'; आयुष म्हात्रेचा २०० च्या स्ट्राइक रेटसह शतकी धमका!
16
भारताची क्षेपणास्त्र चाचणीची घोषणा, हिंदी महासागरात चौथे चिनी 'हेरगिरी जहाज' दाखल
17
SMAT 2025: अर्जुन तेंडुलकरची हवा! पहिल्या स्पेलमध्ये ५ धावांत २ विकेट्स घेत लुटली मैफील
18
सर्वांनी वयाच्या 30 व्या वर्षापूर्वीच जाणून घ्यायला हवं हे 'सीक्रेट'! असं करा गुंतवणुकीचं प्लॅनिंग; तयार होईल मोठा निधी, आनंदात जगाल म्हातारपणी
19
गौतम गंभीरवर बीसीसीआय नाराज, कसोटी हरल्यानंतर जे बोलला, ते खटकले... 
20
Thailand Flood : हाहाकार! थायलंडमध्ये मुसळधार पावसामुळे विध्वंस; १४५ जणांचा मृत्यू, ३६ लाख लोकांना फटका
Daily Top 2Weekly Top 5

नगर तालुक्यात गुलाल कोणाचा

By लोकमत न्यूज नेटवर्क | Updated: January 18, 2021 04:18 IST

केडगाव : नगर तालुक्यातील ५६ ग्रामपंचायत निवडणुकांचा निकाल सोमवारी लागणार आहे. सर्वत्र चुरशीच्या लढती झाल्यामुळे निकालाची उत्सुकता शिगेला पोहचली ...

केडगाव : नगर तालुक्यातील ५६ ग्रामपंचायत निवडणुकांचा निकाल सोमवारी लागणार आहे. सर्वत्र चुरशीच्या लढती झाल्यामुळे निकालाची उत्सुकता शिगेला पोहचली आहे. महाविकास आघाडी आणि भाजप यांच्यातच काट्याची टक्कर होत असून गुलाल कोण उधळणार याचीच जोरदार चर्चा सुरू आहे.

नगर तालुक्यातील ५९ पैकी तीन ग्रामपंचायत निवडणुका यापूर्वीच बिनविरोध झाल्या आहेत. आता ५६ ग्रामपंचायत निवडणुकीच्या निकालाची सर्वांनाच प्रतीक्षा आहे. सर्वच गावात दुरंगी आणि चुरशीच्या निवडणुका झाल्याने निकालाचा अंदाज व्यक्त करणे मुश्कील बनले आहे. आदर्श गाव हिवरेबाजार येथे ३५ वर्षानंतर मतदारांनी मतदान केले. पद्मश्री पोपटराव पवार यांना प्रथमच गावात आव्हान दिल्याने निकाल काय लागतो. याकडे राज्याचे लक्ष लागले आहे. तसेच माजी आमदार शिवाजी कर्डिले यांच्या बुऱ्हाणनगरमध्येही त्यांचेच पुतणे रोहिदास कर्डिले यांनी आव्हान उभे केले होते. यात कर्डिले आपले वर्चस्व राखतात काय याची उत्सुकता तालुक्याला लागली आहे. याप्रमाणेच निंबळक, गुंडेगाव, चिचोंडी पाटील, दरेवाडी, खंडाळा, खडकी, भोरवाडी, खारेकर्जुने, चास, कामरगाव, इमामपूर, टाकळी काझी येथील निवडणुका चुरशीच्या झाल्याने आणि दिग्गज मैदानात असल्याने या निवडणुकीच्या निकालाकडे सर्वांचे लक्ष लागले आहे. आदर्शगाव डोंगरगण, मांजरसुंबा येथील निकालाचीही सर्वजण प्रतीक्षा करीत आहेत.नगर तालुक्यातील अनेक मात्तबर नेत्यांच्या गावात निवडणुका झाल्याने सर्वांचीच धाकधूक वाढली आहे.तालुक्यातील बहुतांशी गावात महाविकासआघाडी आणि भाजप यांच्यातच सरळ सरळ लढत झाल्या आहेत. यामुळे मतदार कोणाला कौल देतात याची प्रतीक्षा आता शिगेला पोहचली आहे.

----

दहा वाजताच होणार सर्व गावांची मतमोजणी..

नगर तालुक्यातील मतमोजणी पाउलबुद्धे विद्यालयात होणार आहे. यासाठी एकूण १५ टेबलावर चार फेऱ्यात ५६ गावांची मतमोजणी करण्याचे नियोजन निवडणूक निर्णय अधिकारी उमेश पाटील यांनी केले आहे. प्रत्येक फेरीत एकावेळी १५ गावांची मतमोजणी होणार असून एक तासांच्या अंतराने चार फेऱ्या पूर्ण होऊन एकूण ५६ गावांची मतमोजणीची प्रक्रिया होणार आहे. सकाळी साडे दहापर्यंत सर्व गावांची मतमोजणीची प्रक्रिया पूर्ण करण्याचे नियोजन करण्यात आले आहे.