उक्कलगाव : अग्रगण्य असणाऱ्या उक्कलगाव सेवा संस्थेची वार्षिक सर्वसाधारण सभा अध्यक्ष इंद्रनाथ थोरात यांच्या मार्गदर्शनाखाली खेळीमेळीत पार पडली. यावेळी कोरोना नियमांचे पालन करण्यात आले.
सभेत मागील सभेचे इतिवृत्त वाचन करण्यात आले. ॲड. पुरुषोत्तम थोरात यांनी अहवाल वाचन केले. विषयपत्रिकेवरील सर्व विषय एकमताने मंजूर करण्यात आले. संस्थेला शंभर वर्षे पूर्ण होत असल्याने संस्थेचा शताब्दी महोत्सव साजरा करण्यात येणार आहे. त्याच्या नियोजनाची तयारी केली जाणार आहे.
संस्थेची आर्थिक स्थिती उत्तम आहे. संस्था प्रगतिपथावर मार्गक्रमण करीत आहे, असे अध्यक्ष थोरात यावेळी म्हणाले. सेवानिवृत्त शाखाधिकारी नानासाहेब रेवाळे, माजी अध्यक्ष वसंत थोरात, बन्सीभाऊ थोरात, बबन थोरात, सोपान थोरात, विकास थोरात, सुनील बन्सी थोरात, बंडेराव तांबे, प्रकाश जगधने, अनिल जगधने, आनंदराव थोरात, विनोद थोरात, दत्तात्रय थोरात, एकनाथ थोरात आदी उपस्थित होते.
------