नगरमध्ये भरदुपारी तीन लाखांची घरफोडी चोरी

अहमदनगर : शहरातील बालिकाश्रमरोड परिसरातील आर्यन गार्डनमधील ‘डी’ बिल्डिंगमध्ये मंगळवारी दुपारी घरफोडी झाली. यात तीन लाखांचा ऐवज चोरट्यांनी लांबविला आहे.याबाबत माहिती अशी की,  नगर शहरातील बालिकाश्रम रोडवरील आर्यन गार्डनमध्ये पंडित कुटुंबीय राहतात. दुपारी हे कुटुंब नोकरीनिमित्त बाहेर गेले होते. त्यांच्या घरी मंगळवारी दुपारी ही चोरी झाली आहे. चोरट्यांनी घराचे कुलूप तोडून घरातील कपाटातील उचकापाचक केली. घरात असलेल्या पर्समधील सोन्याचे दागिने चोरून नेले. चोरट्यांनी घरातून सुमारे तीन लाखांचा ऐवज चोरुन नेला. मंगळवारी रात्री ही चोरी झाल्याचे उघडकीस आले. पोलिसांनी श्वास पथकाला पाचावण केले होते. परंतु चोरट्यांचा माग निघू शकला नाही. काही दिवसापूर्वी याच परिसरात बोरुडे मळ्यात चोरी झाली होती. त्याच पध्दतीने ही चोरी झाली आहे. या परिसरात गेल्या तीन महिन्यापासून चोरीच्या घटना घडत आहे. याकडे मात्र पोलिसांची दुर्लक्ष होत आहे.