कोपरगाव : कोपरगाव तालुका क्रिकेट असोसिएशन व मुंबादेवी तरुण मंडळ, शिवसेना शाखा छत्रपती चौक यांच्या वतीने लक्ष्मी आई स्टेडियम बाजार तळ या ठिकाणी सरसेनापती चषक राज्यस्तरीय टेनिस बॉल स्पर्धेचे नुकतेच उद्घाटन झाले. असोशिएशनचे संस्थापक अध्यक्ष स्व. दीपक माळी यांच्या स्मरणार्थ आयोजित केलेली आहे.
या स्पर्धाचे उद्घाटन कोपरगाव ग्रामीण रुग्णालयाचे वैद्यकीय अधिकारी डॉ. कृष्णा फुलसौंदर यांच्या हस्ते करण्यात आले. या कार्यक्रमाच्या अध्यक्षस्थानी कोपरगाव तालुका क्रिकेट असोशिएशनचे अध्यक्ष अजेय गर्जे होते. नगराध्यक्ष विजय वहाडणे याप्रसंगी प्रमुख पाहुणे म्हणून उपस्थित होते.
या प्रसंगी उपस्थित मान्यवरांचे स्वागत मुंबादेवी तरुण मंडळाचे अध्यक्ष सुनील फंड यांनी केले. कार्यक्रमाचे प्रास्ताविक कोपरगाव तालुका क्रिकेट असोशिएशनचे उपाध्यक्ष मकरंद को-हाळकर यांनी केले. या कार्यक्रमाला भाजप शहराध्यक्ष दत्तात्रय काले, मनसे प्रमुख संतोष गंगवाल, शिवनारायण परदेशी, भाऊ माळी, बाळासाहेब रुईकर, जालिंदर मुरकुटे उपस्थित होते.