आश्वी : सून घरात एकटी असल्याचा फायदा घेत चुलत सासऱ्याने संधी साधत अत्याचार केला. ही घटना संगमनेर तालुक्यात घडली. याप्रकरणी आश्वी पोलीस ठाण्यात गुन्हा दाखल करण्यात आला असून आरोपीस अटक करण्यात आली आहे.
संगमनेर तालुक्यातील एका गावात पिडिता कुटुंबियासमवेत राहते. त्यांच्या शेता शेजारी आरोपीचे शेत आहे. सोमवारी ( दि. ८ मार्च) आरोपी शेतात गहू गोळा करण्यासाठी आले. गहू गोळा करून झाल्यानंतर दुपारी पिडितेच्या घरी आले. घरात कोणी नसल्याचे बघून घराला आतून कडी लावत पिडितेवर अत्याचार केला. यावेळी पिडितेने आरडाओरड केला मात्र आजुबाजूला कोणीच राहत नसल्याने मदत मिळाली नाही. मी तुमच्या मुलीसारखी आहे असे म्हणत पिडितेने विरोध केला. मात्र बळजबरीने अत्याचार करुन आरोपी पळून गेला. पिडितेने घडलेला प्रकार नवऱ्याला सांगितल्यानतंर दुसऱ्या दिवशी आश्वी पोलीस स्टेशनला तक्रार दाखल केली.
पोलीस निरिक्षक सुधाकर मांडवकर गोपनीय शाखेचे विनोद गंभीरे यांच्या मार्गदर्शनाखाली पोलीस पथकाने आरोपीला अटक केली आहे.