श्रीरामपूर : नगरपालिकेने शहरात पुण्यश्लोक अहिल्यादेवी होळकर यांचा पुतळा बसवावा, अशी मागणी धनगर आरक्षण कृती समितीचे अध्यक्ष राजेंद्र पानसरे यांनी केली आहे. नगराध्यक्षा अनुराधा आदिक यांना पानसरे यांनी शिष्टमंडळासह शुक्रवारी निवेदन दिले. शहरात यापूर्वी काही महापुरुषांचे पुतळे बसविण्यात आलेले आहे. मात्र अहिल्यादेवींचा पुतळा स्थापन केल्यास शहराच्या वैभवात भर पडेल, असे पानसरे यांनी म्हटले आहे.
मागील सत्ताधाऱ्यांनी पालिकेच्या सर्वसाधारण सभेत ठराव केला. मात्र दहा ते बारा वर्षे ठरावावर कोणतीही कार्यवाही केली नाही. नगराध्यक्षा आदिक यांनी अहिल्यादेवींच्या उत्तुंग कार्याची दखल घेत या प्रश्नाला न्याय द्यावा, असे पानसरे यांनी म्हटले आहे. एक महिन्याच्या आत पुतळ्यासंदर्भात ठोस निर्णय घ्यावा अन्यथा धनगर समाजाच्या वतीने तीव्र आंदोलन हाती घेतले जाईल. यावेळी भारत सोनवणे, बाळासाहेब वारे, नितीन राशीनकर, बबनराव राहिंज, सुरेश अमोलिक, दत्तात्रय करंडे, विलास गोराणे, गणेश भिसे, बाळासाहेब भिसे आदी उपस्थित होते.
-----------