केडगाव : केडगाव येथील श्री अंबिका माध्यमिक व उच्च माध्यमिक विज्ञान विद्यालयात पद्मभूषण डॉ. कर्मवीर भाऊराव पाटील यांच्या जयंतीनिमित्त विद्यार्थ्यांचा गुणगौरव व बक्षीस सोहळा पार पडला.
प्रमुख पाहुणे आमदार डॉ. सुधीर तांबे होते. अध्यक्षस्थानी माजी आमदार दादाभाऊ कळमकर होते. जि.प. माध्यमिक शिक्षणाधिकारी अशोक कडूस होते. माजी प्राचार्य शिवाजीराव भोर, रयत शिक्षण संस्थेच्या उत्तर विभागाचे विभागीय अधिकारी तथा विद्यालयाचे प्राचार्य तुकाराम कन्हेरकर, स्थानिक सल्लागार समितीचे सदस्य प्रशांत कोतकर, रावसाहेब सातपुते, शिक्षक शिक्षकेतर कर्मचारी, पालक, विद्यार्थी उपस्थित होते.
प्रास्ताविक पर्यवेक्षक सुरेश थोरात, सूत्रसंचालन महेश ढगे व बाबासाहेब जगदाळे यांनी केले. गुरुकुल प्रमुख कैलास आठरे यांनी आभार मानले. कार्यक्रम यशस्वीतेसाठी रवी तंटक, अशोक बडवे, संदीप गाडीलकर, संदीप नवले, प्राजक्ता दामगुडे यांनी परिश्रम घेतले.