अहमदनगर : यंदा दहावीच्या निकालात तब्बल १७ टक्क्यांनी वाढ झाली असून जिल्ह्याचा निकाल ९६.१० टक्के लागला.
यंदा ३८ हजार ७२२ मुले व ३० हजार ३३१ मुली असे एकूण ६९ हजार ५३ विद्यार्थी दहावी परीक्षेस प्रविष्ठ झाले होते. त्यात ३६ हजार ७५३ मुले व २९ हजार ६०७ मुली असे एकूण ६६ हजार ३६० विद्यार्थी उत्तीर्ण झाले.
नेहमीप्रमाणे यंदाही मुलींनीच बाजी मारली. मुलांचे उत्तीर्णचे प्रमाण ९४.९२, तर मुलींचे उत्तीर्णचे प्रमाण ९७.६१ टक्के आहे. मागील वर्षी दहावीचा निकाल ७९.५० टक्के लागला होता.