कोतूळ : कोतूळ परिसरातील पिसेवाडी शिवारात तन्वी एकनाथ जाधव (वय- १२) सातवीत शिकणा-या विद्यार्थीनीवर बिबट्याने हल्ला केला. हल्ला झाल्यानंतर मुलीने आरडाओरडा केल्याने आई व चुलतीनं बिबट्याच्या तावडीतून तन्वीला सोडविले.पिसेवाडी शिवारात तन्वी सकाळी साडे आठ वाजण्याच्या सुमारास घरासमोरील शेतात ज्वारीच्या पिकावर बसलेली पाखरं हाकत होती. यावेळी बिबट्याने पाठीमागून हल्ला केला. तन्वीने आरडाओरडा करताच घरातून आई व चुलती पळत आल्या. आपल्या जीवाची पर्वा न करता त्या दोघींनी तन्वीला बिबट्याच्या जबड्यातून सुटका केली. तन्वी जखमी झाल्याने तिला कोतूळ ग्रामीण रूग्णालयात दाखल करण्यात आले आहे.