ठळक मुद्देशेतक-यांचे मोठे नुकसान झाले
अहमदनगर : नगर शहरासह जिल्ह्याच्या विविध भागात गाराच्या पावसाला सुरुवात झाली आहे. अचानकपणे वादळी वा-यासह गाराच्या पावसाला सुरुवात झाल्याने शेतक-यांची धावपळ उडाली आहे.दुपारपासूनच ढगाळ वातावरण होते. चार वाजल्यापासून विजांच्या कडकडाटासह पावसाला सुरुवात झाली. वादळी वा-यासोबत काही भागात गाराही पडल्या. एमआयडीसी परिसरात मोठ्या प्रमाणात गारा पडल्या. जिल्ह्यातील विविध भागात वादळी वा-यासह पावसाने अचानक हजेरी लावली. पावसामुळे फळपिक शेतक-यांना मोठ्या नुकसान सहन करावे लागणार आहे. गेल्या आठवड्यातही जिल्ह्याच्या काही भागात वादळी वा-यासह गारांचा पाऊस झाला होता. या पावसामुळेही शेतक-यांचे मोठे नुकसान झाले होते.