महात्मा गांधी राष्ट्रीय ग्रामीण हमी योजनेंतर्गत जिल्ह्यात सध्या २ हजार ४४७ कामे सुरू आहेत. त्या अंतर्गत ११ हजार २२३ मजूर कामावर आहेत. ग्रामपंतायतीकडून सध्या १ हजार ७८३ इतकी कामे सुरू असून, त्या अंतर्गत ६ हजार ८३८ मजूर काम करीत आहेत. इतर यंत्रणेमार्फत ६६४ इतकी कामे सुरू असून, ४ हजार ३८५ इतके मजूर कामावर आहेत. संगमनेर तालुक्यात सध्या सर्वाधिक ३८७ कामांवर १ हजार ५९२ इतके मजूर कामावर आहेत. दक्षिण भागात जामखेड तालुक्यात २५८ कामांवर सर्वाधिक १ हजार २१९ मजूर कामावर आहेत, अशी माहिती उपजिल्हाधिकारी (रोहयो) उदय किसवे यांनी दिली.
---------
तालुकानिहाय कामे व मजुरांची संख्या
तालुका कामांची संख्या मजुरांची संख्या
अकोले १७५ ६३४
जामखेड २५८ १२१९
कर्जत २४१ १६४०
कोपरगाव १५२ ३६०
नगर २०८ ७८८
नेवासा १४८ ६५९
पारनेर १४० ८६९
पाथर्डी १०८ ५०५
राहाता १०८ ४५७
राहुरी १२४ ३५९
संगमनेर ३८७ १५९२
शेवगाव १८० ११३०
श्रीगोंदा १४३ ६१३
श्रीरामपूर ७५ ३९८
एकूण २४४७ ११२२३
-------------------------
आणखी मजुरांची प्रतीक्षा
जिल्ह्यात दोन महिन्यांपूर्वीच्या तुलनेत रोजगार हमी योजनेवरील मजुरांच्या संख्येत दुप्पट वाढ झाली असली तरी जिल्ह्यातील रोजगार हमी योजनेची काम देण्याची क्षमता ५९ लाख मजुरांपर्यंत आहे. असे असले तरी सध्या २३ हजार २१० इतकी कामे शिल्लक असून, त्या कामांसाठी प्रशासनाला मजुरांची प्रतीक्षा आहे.
------------------
वैयक्तिक लाभाच्या योजनांवर भर
जिल्ह्यात अडीच हजार कामे सुरू असल्याचे दिसत असले तरी बहुतांश कामे ही वैयक्तिक आहेत. शासकीय योजनांचा लाभ घेत वैयक्तिक लाभावर शेतकऱ्यांचा भर आहे. फळबाग लागवड, सिंचन विहिरी, विहिरींची दुरुस्ती, मत्स्यतळे, वनस्पती लागवड, शेततळे, शौचखड्डे, वैयक्तिक शौचालये अशा कामांची संख्या मोठी आहे, अशी माहिती यंत्रणेने दिली.