श्रीगोंदा : तालुक्यातील येळपणे ग्रामपंचायतीत सत्ताधारी व विरोधी सदस्यांनी एकत्रित कारभार करून गावचा चेहरामोहरा बदलविण्याचा संकल्प केला आहे.
ग्रामपंचायत प्रशासनाने नूतन १५ ग्रामपंचायत सदस्यांचा सत्कार करण्यात आला. नुकत्याच झालेल्या ग्रामपंचायत निवडणुकीत भाजपचे सतीश धावडे यांचे १२, तर राष्ट्रवादीच्या अनिल वीर गटाला ३ जागा मिळाल्या होत्या.
सतीश धावडे म्हणाले, येळपणे, पिसोरेकरांनी विकासाचे स्वप्न साकार होण्यासाठी सत्ता परिवर्तन केले आहे. या भावना विचारात घेऊन पिण्याचे पाणी, शैक्षणिक सुविधा, तरुणांना रोजगार, रस्ते, आरोग्य आदी प्रश्नांना प्राधान्य देण्यात येईल. यावेळी प्रशासक अशोक ढवळे, नवनाथ देवकर, वामनराव धावडे, सुरेश ढुस, पोपट ढुस, नामदेव पवार, राजेश सांगळे आदी उपस्थित होते.
फोटो : २३ येळपणे
येळपणे येथे नवनिर्वाचित ग्रामपंचायत सदस्यांचा ग्रामस्थांच्यावतीने सत्कार करण्यात आला.