अहमदनगर : कोरेगाव-भीमा येथील घटनेतील दोषींवर मनुष्य वधाचा गुन्हा दाखल करण्याच्या मागणीसाठी दलित संघटनाच्या वतीने शुक्रवारी जिल्हाधिकारी कार्यालयावर मूक मोर्चा काढण्यात येणार असल्याची माहिती अजय साळवे व सुनील क्षेत्रे यांनी पत्रकार परिषदेत दिली.मोर्चात छावा व मराठा महासंघ सहभागी होणार असून, हा मोर्चा कुठल्याही जाती विरोधात नही. कोरेगाव-भीमा प्रकरणावरुन मराठा व दलितांमधे फुट पडणा-या मनुवाद्यांविरोधात हा मोर्चा असल्याचे साळवे यांनी यावेळी सांगितले. पत्रकार परिषदेस अनंत लोखंडे, जयंत गायकवाड, नाना पटोले, सुरेश बनसोडे, रोहित आव्हाड, नितीन कसबेकर आदी उपस्थित होते.
दलित संघटनाचा शुक्रवारी नगर जिल्हाधिकारी कार्यालयावर मूक मोर्चा
By लोकमत न्यूज नेटवर्क | Updated: January 4, 2018 15:21 IST