कोपरगाव : तालुक्यातील सुरेगावातील ४५ वर्षीय व्यक्ती कोरोनाबाधित झाली असल्याची माहिती तहसीलदार योगेश चंद्रे यांनी दिली.
कोपरगाव तालुक्यातील आतापर्यंतची कोरोनाबधितांची संख्या ६ इतकी आहे. त्यापैकी एक महिला सुरवातीलाच मयत झाली आहे. दोन रुग्ण उपचार घेऊन बरे होऊन घरी गेले आहेत. या बाधित व्यक्तीसह तिघांवर उपचार सुरू आहे.
सुरेगाव येथील कोरोना बाधित पुरुष हा गेल्या सहा महिन्यापासून आजारी आहे. मागील दहा दिवसांपासून त्यांच्यावर शिर्डी येथे उपचार सुरू होते. त्यांची प्रकृती खालावल्या त्यांना नगर येथील सिव्हिल हॉस्पिटल येथे उपचारांसाठी दाखल करण्यात आले होते. तेथे त्यांच्या घशातील स्त्रावाची तपासणी केली असता त्यांचा अहवाल शनिवारी कोरोना बाधित असल्याचा आला आहे.
दरम्यान प्रशासनाच्या वतीने या बाधित व्यक्तीच्या संपर्कात सहा व्यक्तींना क्वारनटाईन केले आहे. प्रशासनाच्या वतीने बाधित राहत असलेला परिसर सील करण्याची प्रक्रिया सुरू करण्यात आली आहे.