एकूण ३० निवडणूक अधिकारी नेमण्यात आले आहेत. पहिल्याच दिवशी देहरे या एकाच गावातून ३ उमेदवारी अर्ज दाखल झाले. अर्ज दाखल करण्यासाठी एकूण १७ कागदपत्रे सोबत जोडणे बंधनकारक असल्याने या कागदपत्रांची पूर्तता करण्यात इच्छुक उमेदवारांची चांगलीच धांदल उडाली. अनेकांनी तहसील कार्यालयात येऊन कागदपत्रांची माहिती घेतली.
---------
खडकी बिनविरोध होण्याच्या मार्गावर
बुधवारी सकाळी आमदार निलेश लंके यांनी नगर तालुक्यातील ग्रामपंचायत निवडणूक असणाऱ्या गावातील लोकांची बैठक राष्ट्रवादी भवनात घेतली. बैठकीला प्रवीण कोठुळे, शरद कोठूळे, पत्रकार जितेंद्र निकम, सरपंच अशोक कोठुळे, उपसरपंच भाऊसाहेब रोकडे, रावसाहेब कोठुळे, पंढरीनाथ कोठुळे, तंटामुक्तीचे अध्यक्ष सुनील कोठुळे, राहुल बहिरट, आदिनाथ गायकवाड, अरुण कोठुळे, मनेश भोसले, चेअरमन ज्ञानदेव भोसले, राजू कोठुळे, माजी चेअरमन गोवर्धन कोठुळे, स्वप्नील कोठुळे, राजेंद्र पंढरीनाथ कोठुळे, विजय काळे यांसह मोठ्या संख्येने ग्रामस्थ हजर होते. आमदार निलेश लंके यांच्या आवाहनाला प्रतिसाद देत खडकी ग्रामपंचायत निवडणूक बिनविरोध करण्याचा निर्णय खडकी ग्रामस्थांनी घेतला.
----------
निवडणूक बिनविरोध करण्यामागे माझी चांगली भावना आहे. मी ग्रामपंचायतपासून आमदार पदापर्यंत पोहचलो आहे. गावात कसे तंटे होतात, कसा संघर्ष असतो, जिरवाजिरवी कशी केली जाते आणि शेवटी हाती काही लागत नाही. याचा अनुभव मला आहे. गावातील एकोपा आणि भावकीतील एकता टिकण्यासाठी ग्रामपंचायत निवडणूक बिनविरोध व्हाव्यात अशी माझी भावना आहे. माझ्या आवाहनाला खडकी ग्रामस्थांनी प्रतिसाद दिला, त्यामुळे सर्व श्रेय ग्रामस्थांनाच जाते.
- आमदार निलेश लंके
-----------