कोपरगावात मंगळवारी आढळले १३० बाधित रुग्ण

कोपरगाव : शहरासह तालुक्यात मंगळवारी १३० बाधित रुग्णांची भर पडली. त्यामुळे तालुक्याचा आकडा ७१३वर गेला असून खडकी येथील ५६ वर्षीय पुरुष तर शहरातील ७० वर्षीय महिलेचा कोरोनामुळे मृत्यू झाला आहे. मंगळवारी रेपिड अँटिजेन कीटद्वारे २६९ व्यक्तींची तपासणी करण्यात आली. त्यामध्ये ६३ व्यक्ती बाधित आढळल्या, तसेच खासगी लॅब अहवालात २७ तर नगर येथील अहवालात ४० असे एकूण तब्बल १३० रुग्ण कोरोनाबाधित आढळले आहेत. तसेच ५८ व्यक्तींच्या घशातील स्राव नगर येथे तपासणीसाठी पाठविण्यात आले आहेत. तसेच ८० रुग्ण कोरोनामुक्त झाल्याने घरी सोडण्यात आले. तर आतापर्यंत ६४ जणांचा मृत्यू झाला असल्याची माहिती ग्रामीण रुग्णालयाचे वैद्यकीय अधीक्षक डॉ. कृष्णा फुलसौंदर यांनी दिली.