पत्त्यांचा बंगला नव्हे, भला मोठ्ठा राजवाडा! १ लाख ४३ हजार पत्ते, गिनीज बुकात नोंद (Video)

पत्त्यांचा राजवाडा बनवण्यासाठी लागले तब्बल ४१ दिवस

Playing Cards Palace: सोशल मीडिया हे सध्याच्या युगातील एक दमदार माध्यम आहे. या माध्यमातून लोक आपली कला सादर करतात. महत्त्वाची बाब म्हणजे कलाकारांना सोशल मीडियामुळे संपूर्ण जगापुढे आपली कला सादर करण्याचे व्यासपीठ फुकटात उपलब्ध करून मिळते. त्यामुळे काही खास कला या चर्चेत राहतात आणि तुफान व्हायरल होतात. 41 दिवसांच्या कठोर परिश्रमानंतर कोलकाता येथील अर्णव डागा यांनी अखेर जगातील सर्वात मोठ्ठा पत्त्यांचा राजवाडा बांधला आणि Guinness book of world records मध्ये नाव नोंदवण्याचा पराक्रम केला.

तब्बल १ लाख ४३ हजार पत्त्यांचा वापर

अर्णव डागा यांनी कोणत्याही टेप किंवा गोंदाच्या मदतीशिवाय, प्लेइंग कार्डची रचना तयार करण्यासाठी अंदाजे 1,43,000 पत्ते वापरले. त्याची लांबी 12.21 मीटर (40 फूट), उंची 3.47 मीटर (11 फूट 4 इंच) आणि रुंदी 5.08 मीटर (16 फूट 8 इंच) होती. त्याची विस्तृत रचना त्याच्या गावातील चार प्रसिद्ध इमारतींवर आधारित होती, म्हणजेच रायटर्स बिल्डिंग, शहीद मिनार, सॉल्ट लेक स्टेडियम आणि सेंट पॉल कॅथेड्रल.

पत्त्यांच्या बळावर विश्वविक्रम

सपाट मजल्यासह उंच, हवाबंद जागेत कार्ड स्ट्रक्चर बनवण्यास सुरुवात करण्यापूर्वी, त्यांनी त्यांच्या वास्तुकलेचा बारकाईने अभ्यास करण्यासाठी चारही स्थळांना भेट दिली होती. स्टॅकिंग सुरू करण्यापूर्वी त्याने तपशीलवार डिझाइन केले. तथापि, काळजीपूर्वक नियोजन करूनही, जेव्हा त्याच्या कार्ड निर्मितीचे काही भाग तुटले तेव्हा अनेक प्रसंगी त्याला जागेवरच नवीन डिझाइन योजना तयार कराव्या लागल्या.

१५ वर्षीय अर्णव बनलागिनीज वर्ल्ड रेकॉर्ड होल्डर

"सुरूवातीला जेव्हा काही वेळा इतके तास आणि दिवस वाया गेले हे निराशाजनक होते आणि मला हे सर्व पुन्हा करावे लागले, परंतु मी माझ्या योजनांवर कामय ठाम राहिलो. काहीवेळा तुम्हाला जागेवरच निर्णय घ्यावा लागतो की दृष्टिकोनात बदल करणे आवश्यक आहे. एवढा मोठा प्रोजेक्ट करणं माझ्यासाठी अगदी नवीन होतं. पण मी ते करून दाखवलं," असं १५ वर्षीय अर्णव म्हणाला.