एनडीएसाठी खूशखबर, मेघालय विधानसभा पोटनिवडणुकीत मुख्यमंत्री कोनराड संगमा विजयी
By ऑनलाइन लोकमत | Published: August 27, 2018 01:09 PM2018-08-27T13:09:59+5:302018-08-27T13:12:00+5:30
मेघालय विधानसभा पोटनिवडणुकीत एनडीएला खूशखबर मिळाली आहे.
एनडीएसाठी खूशखबर, मेघालय विधानसभा पोटनिवडणुकीत मुख्यमंत्री कोनराड संगमा विजयी
शिलाँग - गेल्या काही काळात झालेल्या पोटनिवडणुकांमध्ये भाजपा आणि एनडीएला सातत्याने पराभव पत्करावा लागला होता. मात्र मेघालय विधानसभा पोटनिवडणुकीत मात्र एनडीएला खूशखबर मिळाली असून, एनडीएतील घटक पक्ष असलेल्या एनपीपीचे उमेदवार आणि राज्याचे मुख्यमंत्री कोनराड संगमा यांनी विजय मिळवला आहे. दक्षिण तुरा विधानसभा मतदारसंघात झालेल्या या पोटनिवडणुकीत संगमा यांनी 8 हजार मतांनी विजय मिळवला. या पोटनिवडणुकीसाठी गेल्या आठवड्यात मतदान झाले होते. या निकालाबरोबरच मेघालय विधानसभेत एनपीपीची सभासद संख्या 20 वर पोहोचली असून, एनपीपीचे काँग्रेस एवढेच म्हणजे 20 सभासद झाले आहेत.
Meghalaya: Chief Minister and National People's Party(NPP) leader Conrad Sangma wins South Tura assembly bypoll seat (file pic) pic.twitter.com/Qp5eqCgOHk
— ANI (@ANI) August 27, 2018
मेघालयमध्ये यावर्षी मार्च महिन्यात मतदान झाले होते. या निवडणुकीत त्रिशंकू निकाल लागल्यानंतर एनपीपीने भाजपा आणि अन्य छोट्या पक्षांच्या मदतीने सरकार स्थापन केले होते. एनपीपीचे नेते कोनराड संगमा यांनी मुख्यमंत्रीपदाची शपथ घेतली. मात्र तेव्हा ते विधानसभेचे सभासद नव्हते.
60 सदस्यांच्या मेघालय विधानसभेमध्ये एनडीएकडे 35 सदस्यांचा पाठिंबा आहे. यामध्ये नॅशनल पीपल्स पार्टीचे 20, भाजपाचे दोन, युनायटेड डेमोक्रेटिक पार्टिचे 6, एचएसपीडीपीचे दोन, पीडीएफचे 4 आणि एका अपक्ष आमदाराचा समावेश आहे.
