कॅमेरामन बेशुद्ध झाला...अन् पंतप्रधान नरेंद्र मोदींनी लगेचच भाषण थांबवले
By ऑनलाइन लोकमत | Published: January 30, 2019 05:37 PM2019-01-30T17:37:50+5:302019-01-30T18:26:30+5:30
हॉस्पिटलमध्ये नेलेल्या या कॅमेरामनने सांगितले की, सभेच्या ठिकाणी पाणी नेण्यास बंदी घालण्यात आली होती. यामुळे सकाळपासून पाणी न पिल्याने चक्कर आली.
कॅमेरामन बेशुद्ध झाला...अन् पंतप्रधान नरेंद्र मोदींनी लगेचच भाषण थांबवले
सुरत : काँग्रेसचे अध्यक्ष राहुल गांधी यांनी फोटोग्राफर पडल्यानंतर विचारपूस केल्याच्या व्हिडिओनंतर काही वर्षांपूर्वी एका सभेदरम्यान पोलीस चक्कर येऊन पडला तरीही मोदींनी भाषण सुरुच ठेवल्याच्या व्हिडिओवरून मोदी ट्रोल झाले होते. मात्र, आज सुरत मधील एका सभेवेळी कॅमेरामन चक्कर येऊन बेशुद्ध झाल्यानंतर पंतप्रधान मोदी यांनी लागलीच भाषण थांबविले आणि अधिकाऱ्यांना तातडीने अ‍ॅम्बुलन्स आणण्यास सांगितले.
नरेंद्र मोदी हे आज सुरतच्या दौऱ्यावर होते. तेथे मोदी यांनी सुरत विमानतळाच्या नव्या टर्मिनलचे भूमीपूजन केले. यावेळी आयोजित सभेमध्ये ते बोलत होते. यावेळी कॅमेरामन किशन रमोलिया यांना चक्कर येऊन खाली पडले. हे पाहताच मोदींनी भाषण थांबवत अधिकाऱ्यांना रुग्णवाहिका आणण्याचे आदेश दिले. या घटनेचा व्हिडिओ समोर आला आहे. यामध्ये 108 क्रमांकाच्या रुग्णवाहिकेतून या कॅमेरामनला उचलून उपचारासाठी नेण्यात येत असल्याचे आणि मोदी उभे राहिल्याचे दिसत आहे. यानंतर मोदी यांनी आपले भाषण पूर्ण केले.
#WATCH: PM Modi stops his speech at the inauguration of the new terminal building in Surat after observing that a cameraman has fainted. PM told the officers to urgently arrange for an ambulance for the cameraman, Kishan Ramolia. He was rushed to the hospital in a 108 Ambulance. pic.twitter.com/xUudmFl7cc
— ANI (@ANI) January 30, 2019
सभेच्या ठिकाणी पाणी नेण्य़ासही बंदी....
हॉस्पिटलमध्ये नेलेल्या या कॅमेरामनने सांगितले की, सभेच्या ठिकाणी पाणी नेण्यास बंदी घालण्यात आली होती. यामुळे सकाळपासून पाणी न पिल्याने चक्कर आली. एक चांगले झाले की मोदी भाषणावेळी जवळपास पाहत होते. यामुळे माझ्यावर त्यांचे लक्ष गेले आणि त्यांनी अधिकाऱ्यांना मदत करण्यास सांगितले.
K Ramoliya, Cameraman who fainted during PM's speech in Surat: I had no water since morning as it wasn't allowed to be carried inside, so I fainted. It's good that PM was paying attention to his surroundings during his speech, he noticed me falling down&asked officers to help me. pic.twitter.com/DSIIdBjc7h
— ANI (@ANI) January 30, 2019
