लातुरात काेयता गॅगचा राडा; फर्निचर कामगारांना मारहाण

टाेळीतील दाेघांना पाेलिसांनी उचलले

राजकुमार जाेंधळे / लातूर : शहरातील सुभेदार रामजी नगरात हाता काेयता, तलवार घेत धमकावत एका फर्निचर दुकानाची माेडताेड, कामगारांना मारहाण केल्याची घटना घडली. याबाबत एमआयडीसी पाेलिस ठाण्यात बुधवारी रात्री उशिरा चार ते पाच जणांविराेधात गुन्हा दाखल करण्यात आला आहे. यातील दाेघांना पाेलिसांनी उचलले असून, अन्य आराेपी पसार झाले आहेत.

पाेलिसांनी सांगितले, लातूर शहरातील सुभेदार रामजी नगर परिसरात असलेल्या एका फर्निचरच्या दुकानात चार ते पाच जणांच्या टाेळीने हातात काेयता, तलवार, इतर शस्त्र घेऊन अचानक प्रवेश केला. दरम्यान, या टाेळीने फर्निचरच्या दुकानात काम करणाऱ्या कामगारांना मारहाण करण्यास सुरुवात केली. त्यावेळी कामगार स्वत:ला वाचविण्यासाठी पळापळ करत हाेते. टाेळीतील हे तरुण त्यांच्यामागे लागले.

यावेळी त्यांनी फर्निचर दुकानाचीही माेठ्या प्रमाणावर माेडताेड केली. घटनेनंतर टाेळीतील तरुण घटनास्थळावरून पसार झाले. याची माहिती एमआयडीसी पाेलिसांना मिळाली. घटनास्थळी पाेलिस कर्मचाऱ्यांनी भेट देत पाहणी केली. पाेलिसांनी हाती लागलेल्या सीसीटीव्हीच्या फुटेजच्या माध्यमातून टाेळीतील तरुणांची ओळख पटविली आहे. याबाबत एमआयडीसी पाेलिस ठाण्यात बुधवारी रात्री उशिरा गुन्हा दाखल करण्यात आला आहे.

पाेलिसांनी दाेघांना तातडीने उचलले...

लातुरातील एका फर्निचरच्या दुकानात अचानकपणे घुसून हातात शस्त्र घेत कामगारांना मारहाण केल्याची घटना घडली हाेती. दरम्यान, बुधवारी घडलेल्या प्रकारानंतर पाेलिसांच्या हाती लागलेल्या सीसीटीव्ही फुटेजच्या माध्यमातून पाेलिसांनी आराेपींची ओळख पटवत त्यातील दाेघांना तातडीने उचलले. इतर आराेपींच्या मागावर पाेलिस पथक आहे. - साहेबराव नरवाडे, पाेलिस निरीक्षक

सीसीटीव्ही फुटेज व्हायरलने खळबळ...

काेयता, तलवार हातात घेत कामगारांना मारहाण करणाऱ्या टाेळीचा प्रकार फर्निचर दुकानातील सीसीटीव्हीमध्ये कैद झाला आहे. हे सीसीटीव्ही फुटेज साेशल मीडियात व्हायरल झाल्याने लातुरात एकच खळबळ उडाली आहे. पुन्हा काेयता घेऊन दहशत पसरविणाऱ्या टाेळीने डाेकेवर काढल्याची चर्चा लातुरात सुरू आहे.

परिसरात टाेळीची नागरिकांत दहशत...

लातुरातील दीपज्याेती नगर, सुभेदार रामजी नगर, शंभू नगर परिसरात भररस्त्यावर हातात शस्त्र घेऊन फिरणाऱ्या टाेळीचा वावर वाढला आहे. परिणामी, नागरिकांमध्ये सध्याला दहशतीचे वातावरण आहे. बिनदिक्कतपणे ही टाेळी हातात शस्त्र घेत स्थानिक नागरिकांना मारहाण करणे, धमकावत असल्याचे प्रकार सीसीटीव्ही फुटेजमध्ये कैद झाल्याचे समाेर आले आहे.