यवतमाळ : शालेय पोषण आहाराचा तांदूळ रोज संपून जातो; पण रोज जेवणाऱ्या विद्यार्थ्यांचे प्रमाण मात्र ५० ते ७० टक्केच असते. याबाबतचे वास्तव केंद्र सरकारच्या ‘मीड डे मील’ पोर्टलवर उघड झाले आहे. महाराष्ट्रासह संपूर्ण देशातील शाळांमध्ये हा प्रकार होत असल्याचे पुढे आले आहे. ४० टक्क्यांपेक्षा अधिक शाळांमध्ये पोषण आहार वाटपच होत नसल्याचे पोर्टलवरील आकडेवारी सांगते. तर, दुसरीकडे, आम्ही सर्व विद्यार्थ्यांना जेवण देतो; मात्र आकडेवारी भरण्याबाबत विलंब होतो, असा दावा शाळांकडून करण्यात आला आहे.
प्रधानमंत्री पोषणशक्ती निर्माण योजनेअंतर्गत पहिली ते आठवीच्या विद्यार्थ्यांना दररोज आहार शिजवून दिला जातो. हा आहार किती विद्यार्थ्यांना दिला गेला, याची संख्या रोजची रोज ‘एमडीएम’ पोर्टलवर भरणे प्रत्येक शाळेला बंधनकारक आहे. रोज भरण्यात आलेली ही आकडेवारी राज्यस्तरावरून केंद्र सरकारच्या ‘ऑटोमोटेड मॉनिटरिंग सिस्टिम’वर पाठविली जाते; परंतु आता पोषण आहारासाठी पात्र असलेल्या शाळा आणि ‘ऑटोमोटेड मॉनिटरिंग सिस्टिम’वर माहिती भरणाऱ्या शाळांची पडताळणी केंद्र सरकारकडून करण्यात आली आहे.
शिक्षणसंचालकांनी दिले पडताळणीचे आदेशमहाराष्ट्रात २८ मार्च रोजी एकाही शाळेने पोर्टलवर पोषण आहाराची माहिती भरलेली नाही. मागील संपूर्ण आठवडाभरात केवळ ७० टक्के शाळांनी माहिती भरली आहे. २७ मार्च रोजी केवळ ७३ टक्के शाळांनी आहार वाटप केला. याची दखल घेत केंद्राने शिक्षण संचालनालयाला विचारणा केली आहे. त्यामुळे शिक्षण संचालक शरद गोसावी यांनी प्रत्येक शाळा रोजची माहिती रोजच भरते की नाही, याची पडताळणी करण्याचे आदेश सर्व शिक्षणाधिकाऱ्यांना २६ मार्चला दिले आहेत.
जिल्हा एकूण शाळा माहिती दिली टक्केवारीअहमदनगर ४५३६ ४००७ ८८.३४अकोला १४१६ १०४७ ७३.९४अमरावती २३८२ १९७७ ८३.००छ.संभाजीनगर २९८६ २२१३ ७४.११भंडारा ११२१ ९६९ ८६.४४बीड ३१८२ २४२६ ७६.२४बुलडाणा २००६ १६२० ८०.७६चंद्रपूर २००४ १५३२ ७६.४५धुळे १६६७ १३५३ ८१.१६गडचिरोली १७५६ ११०९ ६३.१५गोंदिया १३४० ८५९ ६४.००हिंगोली १०२७ ७९९ ७७.०८जळगाव २७५८ २२८४ ८२.८१जालना १८९६ १४३२ ७५.५३कोल्हापूर ३०२८ २३५४ ७७.७४लातूर २१९८ १७०३ ७७.४८मुंबई ५७६ १२७ २२.००मुंबई उपनगर १३५४ १४४ १०.६४नागपूर २७२५ २१२९ ७८.१३नांदेड २९८४ १९०३ ६३.७७नंदुरबार १६९५ १९९ ११.७४नाशिक ४४१२ ३५४६ ८०.३७धाराशिव १५३२ १२५९ ८२.१८पालघर २३६८ १८३० ७७.२८परभणी १५७८ १२५३ ७९.०४पुणे ५३६४ ३६३३ ६७.७३रायगड ३०१५ २२३८ ७४.२३रत्नागिरी २८४५ १९९१ ६९.९८सांगली २५१९ २०१२ ७९.८७सातारा ३४२७ २३८९ ६९.७१सिंधुदुर्ग १६०३ १३६८ ८५.३४साेलापूर ४०७१ ३०९७ ७६.०७ठाणे २६४३ १३२९ ५०.२८वर्धा १२२० ९०३ ७४.०२वाशिम ११०९ ८९८ ८०.९७यवतमाळ २७६३ २२१६ ८०.०२एकूण ८५१०६ ६२१४८ ७३.०२