दोन कोटी वृक्ष लागवड कार्यक्रम

वनमहोत्सव व कृषी दिनाचे औचित्स साधून यवतमाळ वनविभागतर्फे दोन कोटी वृक्ष रोपवन कार्यक्रमाचा शुभारंभ सोहळा शुक्रवार,

यवतमाळ : वनमहोत्सव व कृषी दिनाचे औचित्स साधून यवतमाळ वनविभागतर्फे दोन कोटी वृक्ष रोपवन कार्यक्रमाचा शुभारंभ सोहळा शुक्रवार, १ जुलै रोजी सकाळी साडेआठ वाजता आयोजित केला आहे. हा कार्यक्रम वडगाव ते जांब रोडवरील वनविभागाच्या कक्ष क्र. ५१२ जनक नगरीजवळ होईल. पालकमंत्री संजय राठोड यांच्या हस्ते वृक्षारोपण करून शुभारंभ होईल. या कार्यक्रमाला केंद्रीय खते व रसायन राज्यमंत्री हंसराज अहिर, गृह राज्यमंत्री रणजित पाटील, वसंतराव नाईक शेतकरी स्वावलंबन मिशनचे अध्यक्ष किशोर तिवारी, खासदारा विजय दर्डा, खासदार भावना गवळी, खासदार राजीव सातव, आमदार माणिकराव ठाकरे, मनोहरराव नाईक, मदन येरावार, संदीप बाजोरिया, ख्वाजा बेग, राजू तोडसाम, राजेंद्र नजरधरे, अशोक उईके, संजीवरेड्डी बोदकुरवार, नगराध्यक्ष सुभाष राय, जिल्हा परिषदेच्या समाजकल्याण सभापती लताताई खांदवे, जिल्हाधिकारी सचिंद्र प्रताप सिंह, मुख्य कार्यकारी अधिकारी दीपक सिंगला, जिल्हा पोलीस अधिक्षक अखिलेश कुमार सिंह आदींसह विविध संघटना, संस्था व चळवळीतील नागरिकांची उपस्थिती राहणार आहे. या मोहिमेत नागरिकांनी मोठ्या संख्येने सहभागी होऊन नागरिकांनी प्रत्येकाने किमान एक तरी झाड लावावे, असे आवाहन मुख्य वनसंरक्षक वसंत गुरमे, उपवनसंरक्षक प्रमोदचंद लाकरा यांनी केले आहे. (प्रतिनिधी)