शहरं
Join us  
Trending Stories
1
मदरसे, मशिदी तीन दिवसांत ओस पडल्या! स्ट्राईक होणार या शक्यतेने दहशतवादी पळाले
2
आले किती, गेले किती...! एकट्या दिल्लीत ५००० पाकिस्तानी, IB ने यादी सोपविली; पुढे काय...
3
"मला अनुभव आला तो मांडला, तरी दिलगिरी व्यक्त करतो"; पोलिसांविषयी वादग्रस्त वक्तव्य करुन गायकवाडांचा माफीनामा
4
"एक दिवस पाकिस्तानी स्वतःच्याच सरकारविरोधात बंड पुकारतील" विजय देवरकोंडा स्पष्टच बोलला
5
बायकोसोबत काश्मिरमध्ये अडकलेल्या मराठी कलाकाराचा सुन्न करणारा अनुभव, म्हणाला- "गेल्या पाच दिवसात आम्हाला..."
6
Cars24 ने एकाच वेळी २०० कर्मचाऱ्यांना नोकरीवरुन काढलं; कपातीचे कारणही सांगितलं
7
पहलगाम हल्ल्यातील मृतांच्या वारसांना शासकीय नोकरी देण्याबाबत मुख्यमंत्र्यांचं मोठं वक्तव्य; म्हणाले...
8
"मी तिच्याशिवाय राहू शकत नाही, दहशतवाद्यांना कठोर शिक्षा झाली पाहिजे"; आईपासून दुरावली मुलं
9
रिकी पाँटिंगमुळे पंजाब आयपीएलची ट्रॉफी जिंकणार नाही, माजी क्रिकेटपटूचे गंभीर आरोप
10
परदेशी गुंतवणूकदारांची आठवड्यात १७,४२५ कोटी रुपयांची गुंतवणूक; 'ही' आहेत २ मुख्य कारणं
11
मुदत संपली! मायदेशात परतण्यासाठी पाकिस्तानी नागरिकांची धावाधाव, बॉर्डरवर रांगा...
12
पहलगाम हल्ल्याचा तपास NIA च्या हाती; पाकिस्तानी कनेक्शन अन् 26/11 सारख्या कटाचा संशय
13
पाकिस्तान प्रेग्नेंट, कधीही बलुचिस्तानची डिलीवरी होऊ शकते; विकास दिव्यकीर्ती यांनी पाकिस्तानची परिस्थिती सांगितली
14
सोलापूर डॉक्टर आत्महत्या: कॉल रेकार्डमधील माहितीमध्ये नवा पुरावा आढळणार?
15
हे काश्मीरच्या शत्रूंना पहावले नाही; पंतप्रधान नरेंद्र मोदींचे मन की बातमध्ये न्याय देण्याचे आश्वासन
16
Pahalgam Terror Attack : "मी वडील गमावले, पण माझे २ भाऊ काश्मीरमध्ये..."; आरतीने सांगितली डोळे पाणावणारी घटना
17
पती झाला हैवान! बहिणीच्या लग्नासाठी भावाने घर विकलं, हुंड्यासाठी सासरच्यांनी तिलाच मारलं
18
पहलगाम हल्ल्यानंतर दहशतवादाविरुद्धची कारवाई तीव्र, आतापर्यंत १० घरे उद्ध्वस्त; १७५ संशयितांना ताब्यात
19
शिक्षक, स्पर्धा परीक्षांची तयारी अन् अचानक झाला गायब; २६ पर्यटकांना मारणारा आदिल दहशतवादी कसा बनला?

किडनीग्रस्तांवर ५० किमीवरून उपचार

By लोकमत न्यूज नेटवर्क | Updated: April 2, 2018 21:50 IST

जिल्हा परिषदेच्या आरोग्य सभापती नंदिनी दरणे यांच्यासह अधिकाऱ्यांनी किडनीग्रस्त आसोला गावाला रविवारी भेट दिली.

ठळक मुद्देग्रामस्थांशी चर्चा : आरोग्य सभापतींची भेट, सावरगड आरोग्य केंद्राला जोडलेले गाव

लोकमत न्यूज नेटवर्कआसेगाव(देवी) : जिल्हा परिषदेच्या आरोग्य सभापती नंदिनी दरणे यांच्यासह अधिकाऱ्यांनी किडनीग्रस्त आसोला गावाला रविवारी भेट दिली. यावेळी जिल्हा परिषदेचे माजी अध्यक्ष प्रवीण देशमुख प्रामुख्याने उपस्थित होते. या गावातील नागरिकांशी चर्चा करून त्यांच्या समस्या जाणून घेतल्या.१३६१ लोकसंख्येच्या या गावात किडनीच्या आजाराचे १४ बळी ठरले आहेत. अनेक रुग्ण आजाराशी झुंज देत आहे. हा प्रकार ‘लोकमत’ने उजेडात आणल्यानंतर आरोग्य विभागाने पाहणी केली. रक्ताचे नमुने घेतले. एवढ्यावरच आरोग्य विभागाची जबाबदारी थांबल्याचे दिसून येते. दरम्यानच्या काळात या गावाला पालकमंत्र्यांसह अनेक पदाधिकारी आणि अधिकाऱ्यांनी भेट दिली.रविवारी आरोग्य सभापती नंदिनी दरणे, माजी जिल्हा परिषद अध्यक्ष प्रवीण देशमुख, जिल्हा आरोग्य अधिकारी डी.जी. चव्हाण, तालुका आरोग्य अधिकारी किशोर गुजर, वैद्यकीय अधिकारी जया चव्हाण, सुरेश चिंचोळकर, प्रा. घनश्याम दरणे यांनी किडनीग्रस्त रुग्ण आणि इतर ग्रामस्थांशी चर्चा केली. यावेळी उपसरपंच विनोद जाधव, धर्मेंद्र बोदळे, सुधीर सोनटक्के, प्रशांत कारमोरे, सारिका वनवे, नलिनी वरघट यांनी समस्या मांडल्या. योग्य उपाययोजना केल्या जाईल, असे सभापती आणि अधिकाऱ्यांनी यावेळी सांगितले.रुग्णालय ५० किलोमीटरवरआसोला हे गाव ५० किलोमीटर दूर असलेल्या सावरगड आरोग्य केंद्राशी जोडले गेले आहे. यवतमाळ ३५ किलोमीटर आणि तेथून सावरगड १५ किलोमीटर आहे. ही बाब ग्रामस्थांनी वेळोवेळी आरोग्य सभापतींकडे मांडली. लोकसंख्येच्या तुलनेत आसोला गावात आरोग्य केंद्र मिळणार नसल्याचे स्पष्ट केले गेले.पाण्याची दहशतपाणी दूषित असल्याने किडनीचा आजार झाला असल्याचे गावकऱ्यांकडून सांगितले जाते. आरोग्य विभागाने वेळोवेळी केलेल्या पाहणीत या गावातील पाणी पिण्यायोग्य असल्याचा अहवाल दिला. मात्र भेट देण्यासाठी येणारे पदाधिकारी, अधिकारी मात्र सोबत पिण्याच्या पाण्याची बॉटल घेऊन येतात. या गावातील पाण्याचा अनुभव स्वत: घेण्याचे ते टाळतात.