यवतमाळ : दिल्ली येथे झालेल्या मिसेस इंडिया क्विन आॅफ सबस्टैन्स-२०१७ या स्पर्धेत येथील डॉ. सारिका महेश शाह यांना मिसेस ब्युटिफुल आत्मा (सौल) या पुरस्काराने सन्मानित करण्यात आले. या स्पर्धेत अंतिम फेरीत ४२ महिला पोहोचल्या होत्या. यात सिंगापूर, दुबई, हाँगकाँग, ओमन, यूएसए, दुबई आदी ठिकाणच्या स्पर्धकांचा समावेश होता. यातून डॉ. सारिका शाह यांना सन्मानित करण्यात आले. यावेळी प्रमुख पाहुण्या म्हणून बॉलिवूड सेलिब्रिटी महिमा चौधरी उपस्थित होत्या. या कार्यक्रमादरम्यान त्यांनी अवयव दान, नेत्रदान, रक्तदान तसेच स्त्री शिक्षणासाठी कार्य करण्याचे आश्वासन दिले. सारिका शाह या आपल्या यशाचे श्रेय डॉ. महेश शाह आदींना देतात. (वार्ताहर)
सारिका शाह यांना ‘मिसेस इंडिया’ पुरस्कार
By admin | Updated: April 25, 2017 01:09 IST