एकमेद्वितीय दक्षिणाभिमुख कळंबचा चिंतामणी

विदर्भातील अष्टविनायकात स्थान असलेला आणि एकमेद्वितीय दक्षिणाभिमुख कळंब येथील चिंतामणीच्या उत्सवाला शुक्रवारी गणेश चतुर्थीपासून प्रारंभ होत आहे. ऐतिहासिक आणि पौराणिक कळंब नगरीत

भक्तांची मांदियाळी : उत्सवास प्रारंभगजानन अक्कलवार - कळंबविदर्भातील अष्टविनायकात स्थान असलेला आणि एकमेद्वितीय दक्षिणाभिमुख कळंब येथील चिंतामणीच्या उत्सवाला शुक्रवारी गणेश चतुर्थीपासून प्रारंभ होत आहे. ऐतिहासिक आणि पौराणिक कळंब नगरीत यानिमित्त भाविकांची मंदियाळी जमणार आहे. भारतीय संस्कृती कोणत्याही कार्याचा शुभारंभ श्रीगणेशाच्या स्तवनापासून होतो. दु:खहरण करणारा, विद्येचा दाता आणि भक्तांच्या मनोकामनांची पूर्ती करणारा श्री गणेश हा केवळ भारतातीलच नव्हे तर जगातीलही अगणीतांचा दैवत आहे. कळंब येथे चिंतामणीचे दर्शन घेण्यापूर्वी सर्वप्रथम दर्शन घडते ते पवित्र गणेशकुंडाचे. गणेशकुंडाच्या समोर मुख्य गाभाऱ्यात देवेंद्र वरद भगवान चिंतामणीची भव्य व तेवढीच आकर्षक मूर्ती सर्वांचे लक्ष वेधून घेते.कळंब येथील दक्षिणाभिमुख चिंतामणीची मूर्ती ही जगातील एकमेव मूर्ती असल्याचा इतिहासकारांचा दावा आहे. मूर्तीच्या दोन्ही बाजुला भगवान शंकराच्या दोन पिंडी स्वतंत्र्य गाभाऱ्यात विराजमान आहे. मंदिराच्या प्रवेशद्वारावर उभे राहताच पूरातन ‘चौमुखी गणेशमूर्ती’ भाविकांचे लक्ष वेधते. या मूर्तीचे वैशिष्ट्य म्हणजे अखंड दगडात चारही दिशेला चार गणेशमुखे असून प्रत्येक मूर्तीचे हात एकमेकांत मिसळलेले आहे. प्राचीन गढीत खोदकाम करताना ही दुर्लभ मूर्ती सापडल्याचे सांगितले जाते. गंगा अवतरण्याची प्रतीक्षादर बारा वर्षाने गंगा अवतरण्याची प्रतीक्षा असते. यापुर्वी ६ सप्टेंबर १९९५ रोजी गंगा आली होती. गंगा अवतरण्याला बारा वर्षापेक्षा जास्त कालावधी लोटला. असे असतानाही भाविकांना गंगेची आतुरतेने आस लागली आहे.