शहरं
Join us  
Trending Stories
1
“मतांची चोरी पकडली गेली, आता भाजपाची सत्ता जायची वेळ आली आहे”; उद्धव ठाकरेंचा मोठा दावा
2
“विरोधकांकडे काही मुद्दे नसल्याने EVM, मतदारयाद्यांचा विषय उकरून काढला”; अजित पवारांची टीका
3
बालपणीच्या मित्राची भार्या आवडली, त्याने रंगेहाथ पकडले तरी...; दोघांनाही पुन्हा एक संधी दिली, पण... 
4
ट्रम्प टॅरिफवर CM देवेंद्र फडणवीस स्पष्टच बोलले; म्हणाले, “ज्या उद्योगांना फटका बसणार...”
5
तानाजी गळगुंडेला 'सैराट'साठी मिळालेलं इतक्या हजार रुपयांचं मानधन, स्वतःवर खर्च न करता दिले मित्राला
6
पोस्ट ऑफिसची धमाकेदार योजना! पत्नीच्या नावावर FD करुन मिळवा बँक एफडीपेक्षा जास्त परतावा!
7
स्टार क्रिकेटपटू विनोद कांबळीचा भाऊ कोण आहे? तो काय करतो? जाणून घ्या त्याच्याबद्दल...
8
Share Market Update: सेन्सेक्स २५७ आणि निफ्टी ९९ अंकांच्या तेजीसह सुरुवात; तेजीसह उघडले हे स्टॉक्स?
9
Pune Crime: चुलतीला ‘आय लव्ह यू’ म्हटल्याचा राग… हॉकी स्टिकने मारहाण करत युवकाची हत्या
10
आई-वडील अन् पती कामावर गेले, मैत्रिणींना घरी बोलावून महिलेने कांड केले! कारनामे समोर येताच... 
11
अनिल अंबानींना १,८२८ कोटी रुपयांचा दंड? सेबी करणार मोठी कारवाई; कारण काय?
12
आधार, पॅन बाळगले म्हणून कुणी भारतीय ठरत नाही; बांगलादेशी नागरिकाचे १० वर्षे वास्तव्य, जामीन नाकारला
13
२.५ लाखांपर्यंत पोहोचणार सोन्याचे दर? खरेदीदारांसाठी वाईट बातमी; ६ वर्षांत २००% झालीये वाढ
14
आजचे राशीभविष्य: बुधवार १३ ऑगस्ट २०२५; बोलण्यावर ताबा ठेवा, खर्च वाढणार नाही याकडे लक्ष द्या, कामात यश मिळेल
15
अमेरिकेतून मायदेशी परतत आहेत भारतीय; का वाटतेय हद्दपार करण्याची भीती?
16
आधी लाबूबू डॉल जाळली, आता तीच पुन्हा समोर आली; भारती सिंह म्हणाली, "ही माझा पिच्छाच..."
17
उद्धवसेना, शरद पवार गटाला खिंडार; पदाधिकारी, कार्यकर्त्यांचा अजित पवार गटात प्रवेश
18
पालिकांमध्ये 'एक वॉर्ड-एक नगरसेवक' पद्धत लागू करा; मनसेची राज्य निवडणूक आयुक्तांकडे मागणी
19
तुळजापुरातील मंदिरात जिंतेंद्र आव्हाड समर्थक आणि सुरक्षारक्षकांमध्ये धक्काबुक्की, नेमकं काय घडलं?
20
सुवर्णयुगाचा अंत! 'देवदास' फेम बॉलिवूडमधील प्रसिद्ध अभिनेत्रीचं निधन, सिनेसृष्टीवर शोककळा

Maharashtra Election 2019 ; उमरखेडच्याही भाजप आमदाराला ‘डच्चू’

By लोकमत न्यूज नेटवर्क | Updated: October 4, 2019 06:00 IST

जिल्ह्यात सात पैकी पाच आमदार भाजपचे आहेत. परंतु २०१९ च्या विधानसभा निवडणुकीसाठी भाजपने सुमारे दीड वर्षांपूर्वी केलेल्या पहिल्याच सर्वेक्षणात जिल्ह्यातील आर्णी व उमरखेडचे आमदार ‘रेडझोन’मध्ये असल्याचे निष्पन्न झाले होते. तेव्हापासूनच या दोन्ही आमदारांचे तिकीट कापली जाणार असल्याची चर्चा सुरू झाली होती.

ठळक मुद्देविधानसभा निवडणूक : नगराध्यक्ष नामदेव ससाने यांना उमेदवारी

लोकमत न्यूज नेटवर्कयवतमाळ : भाजपने आर्णी पाठोपाठ उमरखेड विधानसभा मतदारसंघातून आमदार राजेंद्र नजरधने यांचे तिकीट कापले आहे. तेथील उमेदवारी आता उमरखेडचे नगराध्यक्ष नामदेव ससाने यांना देण्यात आली आहे.उमरखेड मतदारसंघाच्या उमेदवारीचा वाद दूरपर्यंत पोहोचला होता. रिपाइंनेही या मतदारसंघावर दावा सांगितला होता. मात्र रिपाइंचा अडसर दूर झाल्यानंतर भाजपचा उमेदवार कोण असा मुद्दा पुढे आला. बुधवारी रात्री जारी झालेल्या भाजप उमेदवारांच्या दुसऱ्या यादीत आमदार राजेंद्र नजरधने यांचा पत्ता साफ करण्यात आला आहे. तेथे नगराध्यक्ष ससाने यांना रिंगणात उतरविले गेले. भाजपचे नवे जिल्हाध्यक्ष नितीन भुतडा यांची या फेरबदलामध्ये महत्वाची भूमिका राहिल्याचेही भाजपच्या गोटातून सांगितले जाते. तिकीट कापल्याने आता नजरधने पक्षासोबत राहतात की वेगळा काही विचार करतात हे पाहणे महत्वाचे ठरते.जिल्ह्यात सात पैकी पाच आमदार भाजपचे आहेत. परंतु २०१९ च्या विधानसभा निवडणुकीसाठी भाजपने सुमारे दीड वर्षांपूर्वी केलेल्या पहिल्याच सर्वेक्षणात जिल्ह्यातील आर्णी व उमरखेडचे आमदार ‘रेडझोन’मध्ये असल्याचे निष्पन्न झाले होते. तेव्हापासूनच या दोन्ही आमदारांचे तिकीट कापली जाणार असल्याची चर्चा सुरू झाली होती. परंतु नुकत्याच झालेल्या लोकसभा निवडणुकीत दोन्ही आमदारांनी ५८ ते ६० हजार मतांची आघाडी पक्षाच्या उमेदवाराला मिळवून दिल्याने त्यांना जीवदान मिळेल अशी शक्यता वर्तविली जात होती. परंतु प्रत्यक्षात या मतांच्या आघाडीचा आर्णीचे आमदार राजू तोडसाम व उमरखेडचे आमदार राजेंद्र नजरधने यांना कोणताही लाभ झाला नसल्याचे दिसते. या मतांच्या आघाडीनंतरही पक्षाने त्यांना तिकीट नाकारण्याचा निर्णय घेतला आहे. तोडसाम बंडखोरीच्या तयारीत आहेत. आता नजरधनेही तोच पावित्रा घेतात काय याकडे नजरा लागल्या आहेत.दिग्रसमध्ये तारिक लोखंडवाला राष्ट्रवादीचे उमेदवारशिवसेनेचे वर्चस्व असलेल्या दिग्रस विधानसभा मतदारसंघात राष्ट्रवादी काँग्रेसने आपली उमेदवारी तारिक लोखंडवाला यांना दिली आहे. या जागेसाठी माजी खासदार उत्तमराव पाटील यांचे पुत्र राजू पाटील यांचे नाव अखेरपर्यंत रेटले गेले. मात्र गुरुवारी जारी झालेल्या यादीत तारिक लोखंडवाला यांना स्थान देण्यात आले. राजू पाटील यांना राष्ट्रवादींच्या श्रेष्ठींनी पसंती दर्शविली नसल्याचे स्पष्ट होते.पुसदमध्ये नाईक बंधूंमध्ये रंगणार सामनासंपूर्ण जिल्ह्याचे लक्ष लागलेल्या पुसद विधानसभा मतदारसंघात नाईक विरुद्ध नाईक असा सख्ख्या चुलत भावांमध्ये सामना रंगणार आहे. शिवसेनेच्या वाट्याला असलेला पुसद मतदारसंघ भाजपने आपल्याकडे खेचून घेतला आहे. तेथे विधान परिषद सदस्य अ‍ॅड. नीलय नाईक यांना उमेदवारी देण्यात आली आहे. वास्तविक नीलय यांचा ही उमेदवारी आपल्या पुतण्याला मिळावी असा आग्रह होता. त्यांचा हा आग्रह पाहून भाजपने अखेरच्या क्षणी दोन चेहऱ्यांवर लक्ष केंद्रीत करून त्यांचे सर्वेक्षणही तातडीने मागितले होते. मात्र पुन्हा वरच्या स्तरावर सूत्रे फिरली आणि भाजपच्या उमेदवारी माळ नीलय नाईकांच्या गळ्यात पडली. या मतदारसंघातून राष्ट्रवादी काँग्रेसने विद्यमान आमदार मनोहरराव नाईक यांचे पुत्र इंद्रनील यांना उमेदवारी दिली आहे. या उमेदवारीसोबतच नाईक कुटुंबीय आणि विशेषत: इंद्रनील यांच्या पक्षांतराच्या तमाम चर्चांना पूर्णविराम मिळाला आहे. पुसदमध्ये आता नीलय नाईक विरुद्ध इंद्रनील नाईक असा सख्ख्या चुलत भावांमध्ये राजकीय सामना दिसणार आहे.

टॅग्स :umarkhed-acउमरखेड