पुसदमध्ये शिवजयंती साजरी

शिवसेना व मनसेतर्फे तिथीनुसार छत्रपती शिवाजी महाराजांची जयंती शनिवारी मोठ्या उत्साहात साजरी करण्यात आली.

दुचाकी रॅली : शिवसेना-मनसेतर्फे विविध कार्यक्रम पुसद : शिवसेना व मनसेतर्फे तिथीनुसार छत्रपती शिवाजी महाराजांची जयंती शनिवारी मोठ्या उत्साहात साजरी करण्यात आली. शिवसेना तालुका प्रमुख विकास जामकर व दीपक परिहार यांच्या नेतृत्वात सकाळी ९ वाजता शिवाजी चौकातील महाराजांच्या पुतळ्यास हार अर्पण करण्यात आले. अ‍ॅड. माधव माने यांच्या हस्ते शिवाजी महाराजांच्या मूर्तीचे पूजन झाले. भारतलाल जयस्वाल यांच्या हस्ते भगवा ध्वज फडकविण्यात आला. यावेळी फटाक्यांची आतिषबाजी करण्यात आली. शिवसेनेचे राजन मुखरे, राजू वाकडे, मोहन विश्वकर्मा, महेश नाईक, परेश देशमुख, रवी पांडे, उमाकांत पापीनवार, मधुकर कलिंदर, भाजपाचे वसंतराव पाटील कान्हेकर, भाजपा तालुकाध्यक्ष विश्वास भवरे, शहराध्यक्ष भारत पाटील, धनंजय अत्रे, संजय पाटील, विजय पुरोहित, शिवसेनेचे गणेश खटकाळे, राजू वंजारी, अरुण पवार, प्रदीप चव्हाण, प्रल्हाद गुहाडे, संजय पोटे, विलास कोरडे, युवा सेना अध्यक्ष भारत पाटील वानखेडे, शहराध्यक्ष वैभव सुने, संतोष भेंडे, कैलास मस्के, विलास काळे, प्रकाश पाटील, विश्वंभर पाटील, डॉ. पद्मावार, नगरसेवक संतोष धरणे, अवि बहादुरे, दिनेश गवळी, उत्तम खंदारे, दीपक महाडीक, मंगल देवकुळे, संतोष बाबर, सोपीनाथ माने, वासुदेव लंगडे, लहु सेनेचे संजय हनवते, राष्ट्रीय समाज पक्षाचे मधुकर चव्हाण, अपर पोलीस अधीक्षक काकासाहेब डोळे, उपविभागीय पोलीस अधिकारी डॉ. अश्विनी पाटील, ठाणेदार अनिल कुरळकर, ठाणेदार मानकर आदींनी शिवाजी महाराजांना मानाचा मुजरा केला. शासकीय रुग्णालयात डॉ. कैलास राठोड, डॉ. विजय सारडा, डॉ. बिरबल पवार, डॉ. पवार, डॉ. जय नाईक, डॉ. सादिक, डॉ. देशमुख, इंगळे यांच्या उपस्थितीत फळ वाटप झाले. मनसेतर्फे सकाळी १०.३० वाजता जिल्हाध्यक्ष व उपाध्यक्षांच्या हस्ते शिवाजी महाराजांच्या प्रतिमेस माल्यार्पण करण्यात आले. पक्षाच्या जनसंपर्क कार्यालयात गगणभेदी गर्जना देण्यात आल्या. जिल्हा सचिव बालाजी कामीनवार यांच्या पुढाकारात वृद्धाश्रमात फळ वाटप झाले. मनसे कार्यालय ते शिवाजी चौकापर्यंत मोटारसायकल रॅली काढून शिवाजी महाराजांच्या अश्वारुढ पुतळ्यास हार घालण्यात आला. या कार्यक्रमास जिल्हाध्यक्ष अभय गडम, जिल्हा उपाध्यक्ष पुंडलिक शिंदे, मनविसे जिल्हा उपाध्यक्ष गिरीष अनंतवार, जिल्हा सचिव बालाजी कामीनवार, तालुकाध्यक्ष प्रशांत त्र्यंकटवार, अश्विन चिरडे, आकाश रहाटे, शहर अध्यक्ष शशांक गावंडे, परिक्षित गडदे, अजय नागठाणे, सतीश गव्हारे, राहुल झिजारे, शुभम कुकडे, सचिन ठाकरे, गोपाल चव्हाण आदी उपस्थित होते. (तालुका प्रतिनिधी)