सात ग्रामपंचायतींचे बँक खाते गोठविले

नगर परिषदेच्या हद्दवाढीने समाविष्ट झालेल्या ग्रामपंचायतींचे बँक खाते गोठविण्यासाठी नोटीस बजावण्यात आली.

यवतमाळ : नगर परिषदेच्या हद्दवाढीने समाविष्ट झालेल्या ग्रामपंचायतींचे बँक खाते गोठविण्यासाठी नोटीस बजावण्यात आली. सोमवारी दुपारी नगर परिषदेचे उपमुख्याधिकाऱ्यांनी सात ग्रामपंचायतींना नोटिफिकेशनची प्रत देऊन महत्वपूर्ण देस्तावेज जमा करण्याची नोटीस बजावली. ग्रामपंचायतीचे कॅशबुक बुक, चेक बुक, बँकेचे खातेपुस्तक, कर्मचाऱ्यांची उपस्थिती रजिस्टर ताब्यात घेतले जाणार आहे. या सर्व कर्मचाऱ्यांचे यापुढे नगर परिषदेच्या बँक खात्यातून मुख्याधिकाऱ्यांच्या स्वाक्षरीने वेतन केले जाणार आहे. यासाठी संपूर्ण कर्मचाऱ्यांची माहिती मागविण्यात आली आहे. सोमवारी दुपारी उपमुख्याधिकारी गोलंदाज यांनी लोहारा, मोहा, वाघापूर, पिंपळगाव, वडगाव व उमरसरा या ग्रामपंचायत कार्यालयांना भेट दिली. येथे एकही ग्रामसचिव व ग्रामविकास अधिकारी उपस्थित नव्हता. त्यामुळे ताबा घेण्याची प्रक्रिया पूर्ण झाली नाही. ग्रामपंचायत कार्यालयात असलेल्या लिपिकाला नोटीस व हद्दवाढीच्या नोटीफिकेशनची प्रत देऊन संपूर्ण दस्तावेज उपलब्ध करून देण्याचे निर्देश देण्यात आले. (कार्यालय प्रतिनिधी)वाढीव क्षेत्रातील कर आकारणी ‘जैसे थे’४ समाविष्ठ झालेल्या ग्रामपंचायत क्षेत्रातील नागरिकांना गृहकराबाबत पूर्वीच्या आकारणीप्रमाणेच कर भरता येईल. त्यासाठी सध्या असलेल्या ग्रामपंचायत कार्यालयात डिमांड रजिस्टर ठेवण्यात येईल. या कर वसुलीसाठी स्वतंत्र बँक खातेही सुरू ठेवले जाईल. ही कर वसुलीची व्यवस्था तात्पुरत्या स्वरूपात राहणार आहे, मालमत्ता मुल्यांकन झाल्यानंतर नगर परिषदेच्या दराने कर आकारणी केली जाईल, असे यवतमाळ नगर परिषेदचे मुख्याधिकारी सुदाम धुपे यांनी लोकमतला सांगितले. शहर सीमेवर यवतमाळ नगरपरिषदेचे फलक ४शहराच्या आतमध्ये प्रवेश करणाऱ्या प्रमुख मार्गांवर यवतमाळ नगर परिषदेची हद्द प्रारंभ असे फलक लावण्यात येणार आहे. यापूर्वी नगर परिषद परिसराला लागूनच ग्रामपंचायती असल्याने हद्दीच्या बाबत गोंधळ होत होता. आता मात्र चारही बाजूला नगर परिषद हद्द निश्चित झाली आहे.