१० लाखांचे बियाणे बाजोरियानगरातून लंपास

पेरणीची लगबग सुरू झाल्याने बियाण्याचे गोदाम चोरट्यांच्या निशाण्यावर आले आहे. शहरातील बाजोरियानगरात गोदामाचे शटर वाकवून

गोदामाचे शटर तोडले : लोहारा चौकात सापडला पाच लाखांचा मालयवतमाळ : पेरणीची लगबग सुरू झाल्याने बियाण्याचे गोदाम चोरट्यांच्या निशाण्यावर आले आहे. शहरातील बाजोरियानगरात गोदामाचे शटर वाकवून चोरट्यांनी तब्बल १० लाख रूपयांचे बियाणे लंपास केले. ही घटना गुरूवारी रात्री घडली. दरम्यान त्याच वेळेस लोहारा चौकात संशयास्पद स्थितीत असलेल्या व्हॅनमध्ये पाच लाखांचे बियाणे सापडले. साईनाथ यादवराव मोतेवार रा. वासवीनगर, आर्णी रोड यांचे बाजोरियानगरात बियाण्याचे गोदाम आहे. मोतेवार हे कृषीकेंद्र मालाचे ठोक व्यापारी आहे. ते शुक्रवारी सकाळी गोदाम उघडण्यासाठी आले असता त्यांना शटर वाकवलेले दिसले. घटनास्थळावर लोखंडी रॉड पडून होता. त्यांनी मालाची तपासणी केली असता. सोयाबीन आणि कापसाच्या विविध वाणांचे बियाणे चोरीला गेल्याचे आढळून आले. त्यांनी दिलेल्या तक्रारीवरून वडगाव रोड पोलिसांनी अज्ञात चोरट्या विरोधात शुक्रवारी सकाळी गुन्हा दाखल केला. दरम्यान रात्री २.३० वाजता स्थानिक गुन्हे शाखेचे पथक आणि लोहारा ठाण्यातील गस्तीवर असलेल्या अधिकाऱ्याला लोहारा चौकात एक व्हॅन संशयास्पद स्थितीत उभी असल्याचे आढळून आले. पोलिसांचे वाहन दिसताच या व्हॅनमधून बाहेर पडून तिघांनी पळ काढला. संशय बळावल्याने पोलीस कर्मचाऱ्यांनी त्यांचा पाठलाग केला. मात्र जनावर चोरीतील आरोपीसोबत असल्याने नाईलाज झाला. व्हॅनची झडती घेतली असता त्यामध्ये पाच लाखांचे बियाणे आढळून आले. निळ्या रंगाची व्हॅन (क्रमांक एमएच १४-९४०४) पोलिसांनी ताब्यात घेतली. शिवाय कापूस बियाणेसुद्धा जप्त करण्यात आले. सापडलेले बियाणे बाजोरियानगरच्या गोदामातील आहे काय, याची पडताळणी पोलीस करत आहे. या गुन्ह्यातील आरोपींनी चोरीच्या बियाण्याची पहिली ट्रीप कुठेतरी रिकामी केली. त्यानंतर दुसरी ट्रीप घेऊन जात असताना त्यांची व्हॅन लोहारा चौकात फेल पडली. त्यामुळे चोरट्यांना माल सोडून पळ काढावा लागला. (कार्यालय प्रतिनिधी)