गावक-यांनी गुरे चोरणा-यांना केले पोलिसांच्या स्वाधीन

शिरपूर जैन - शिरपूर पोलीस स्टेशन अंतर्गत येणाºया येवता येथून एक गाय व एक वासरू चोरून नेणाºया दोन जणांना गावकºयांनी पकडून १६ सप्टेंबरच्या रात्रीदरम्यान पोलिसांच्या स्वाधीन केले.

ठळक मुद्देशिरपूर जैन परिसरातील येवता येथील प्रकारबोलेरो वाहनात गुरे चोरून नेण्याचा प्रयत्न फसला

लोकमत न्यूज नेटवर्कशिरपूर जैन - शिरपूर पोलीस स्टेशन अंतर्गत येणाºया येवता येथून एक गाय व एक वासरू चोरून नेणाºया दोन जणांना गावकºयांनी पकडून १६ सप्टेंबरच्या रात्रीदरम्यान पोलिसांच्या स्वाधीन केले.१६ सप्टेंबर रोजी रात्री ९.३० वाजताच्या सुमारास एमएच २८ एच ९९८१ क्रमांकाचे बोलेरो वाहन येवता येथून जात असताना फिर्यादी सतीश राजाराम भांदुर्गे व गावकºयांनी सदर वाहन अडविले. या वाहनात चोरीचे एक वासरू व एक गाय नेण्यात येत होते. गावकºयांनी या वाहनातील शे. इरफान शे. इस्माईल व शे. फईम शे. जईम रा. दोघे दुसरबीड यांना पकडून ठेवले व शिरपूर पोलिसांशी संपर्क साधून बोलावून घेतले. शिरपूर पोलिसांनी घटनास्थळ गाठून दोघांनाही ताब्यात घेतले. या प्रकरणातील आणखी एक आरोपी फरार झाल्याची माहिती उपस्थितांनी दिली तर आणखी एक आरोपी अल्पवयीन असल्याची माहिती पोलिसांनी दिली. पोलिसांनी ताब्यात घेतलेल्या दोन आरोपींकडून चोरीच्या अन्य घटनांची माहिती मिळू शकते का? या दृष्टिने तपास सुरू आहे.