यशदाच्या प्रवीण प्रशिक्षकांचे प्रशिक्षण

सन २०१८-१९ व २०१९-२० मध्ये थेट जनतेतून निवडून आलेल्या सरपंचांचे यशदा, पुणेमार्फत ३ दिवसीय निवासी बांधणी क्षमता प्रशिक्षण घेण्यात आले होते. या प्रशिक्षणाला सरपंचांकडून उत्तम प्रतिसाद मिळाला. त्यामुळे ज्या सरपंचांनी हे प्रशिक्षण घेऊन दोन वर्षे पूर्ण झाली आहेत. अशा २०१८-१९ मध्ये प्रशिक्षण घेतलेल्या ३००० सरपंचांचे उजळणी प्रशिक्षण राष्ट्रीय ग्राम स्वराज अभियान आराखडा २०२१-२२ मध्ये प्रस्तावित करण्यात आले आहे. यासाठी २०२०-२१ मध्ये २५० प्रवीण प्रशिक्षकांचे उजळणी प्रशिक्षण घेण्यात येणार आहे. हे प्रशिक्षण विभागनिहाय घेण्यात येणार असून, २४ व २५ मार्च रोजी अमरावती विभागातील ५ जिल्हे आणि औरंगाबाद विभागातील ५ जिल्ह्यांतील प्रवीण प्रशिक्षकांचे प्रशिक्षण कृषी विज्ञान केंद्र, बारामती, पुणे येथे होणार आहे. यात वाशिम जिल्ह्यातील प्रवीण प्रशिक्षक रवींद्र इंगोले यांच्यासह इतरांचा समावेश आहे.