दरवर्षी सरकारकडून बँकांना शेतकऱ्यांना पीक कर्जाचं अधिकाधिक वाटप करावे म्हणून आदेश दिले जातात; मात्र सहकारी बँका वगळता खासगी आणि व्यापारी बँकांकडून शेतकऱ्यांना पीक कर्ज देताना टाळाटाळ केली जाते. यंदाही असेच चित्र पाहायला मिळाले आहे. वाशिम जिल्ह्यातील शेतकऱ्यांना पीक कर्जासाठी खासगी आणि व्यापारी बँकांचे उंबरठे झिजवायला लागत असल्याचे चित्र आहे. या प्रकारामुळे शेतकऱ्यांनी संताप व्यक्त केला आहे. जिल्हाधिकारी, पालकमंत्र्यांनी वारंवार सूचना देऊनही राष्ट्रीयीकृत बँकांना आपले उद्दिष्ट पूर्ण करता आले नाही.
००००००००००००००००
१०२५ कोटींच्या उद्दिष्टांपैकी ८५४.७९ कोटींचे वाटप
वाशिम जिल्ह्यातील शेतकऱ्यांना यंदाच्या खरीप हंगामात १०२५ कोटींचे पीक कर्ज वाटपाचे उद्दिष्ट ठरविण्यात आले आहे. दरम्यान, २० सप्टेंबरअखेर १ लाख १ हजार ५६ शेतकऱ्यांना ८५४ कोटी ७९ लाख १४ हजार रुपयांचे पीककर्ज वितरित झाले आहे. हे प्रमाण निर्धारित उद्दिष्टाच्या ८३ टक्के आहे.
००००००००००००००००
खरीप पीककर्ज वितरणाची स्थिती
निर्धारित उद्दिष्ट - १०२५ कोटी
पात्र शेतकरी संख्या - १,०४,७९१
प्रत्यक्ष पीककर्ज वितरण - ८५४७९.१४ (कोटी)
पीककर्जाचा लाभ मिळालेले शेतकरी - १,०१,०५६