--------------
२९ वाहनांवर कारवाई
धनज बु.: गेल्या १० दिवसांपासून दोनद बु., ढंगारखेड येथे तहसीलदारांच्या निर्देशानुसार चेकपोस्ट सुरू करण्यात आल्या आहेत. गुरुवार आणि शुक्रवारी या दोन्ही चेकपोस्टवर नियमांचे उल्लंघन केल्याप्रकरणी २९ वाहनांवर कारवाई करण्यात आली.
-----------
कामरगावात १०९ लोकांची कोरोना चाचणी
कामरगाव: गेल्या काही दिवसांपासून परिसरात वाढता कोरोना संसर्ग लक्षात घेत ग्रामस्थांची कोरोना चाचणी करण्यासाठी कामरगावात बुधवारी शिबीर घेण्यात आले. त्यात १०९ लोकांची चाचणी करण्यात आली.
--------------
उंबर्डा येथे पाणीटंचाईच्या झळा तीव्र
उंबर्डा बाजार: परिसरातील जलस्त्रोतांनी तळ गाठायला सुरुवात केली आहे. पाणी पुरवठा योजनेच्या विहिरीची पातळीही खालावल्याने पाणी पुरवठा अनियमित झाला असून, ग्रामस्थांना पाणीटंचाईच्या झळा सोसाव्या लागत आहेत.
------------------
समृद्ध गाव स्पर्धेतंर्गत कामांचे नियोजन
धनज बु.: येथून जवळच असलेल्या जानोरी गावाचा समृद्ध गाव स्पर्धेत सहभाग आहे. या गावांत जलसंधारणाची कामे करण्यासाठी ग्रामपंचायत आणि गावकऱ्यांकडून शुक्रवारी नियोजन करण्यात आले.