समृद्ध गाव स्पर्धेंतर्गत आयोजित डिजिटल शेतीशाळेमध्ये सहभागी होण्यासाठी शेतकरी, ग्रामस्थांना नोंदणीचे आवाहन करण्यात आले होते. यात समृद्ध गाव स्पर्धेत सहभागी असलेल्या मंगरुळपीर आणि कारंजा तालुक्यातील प्रत्येक गावातील शेतकरी महिलांचा उत्स्फूर्त प्रतिसाद लाभला. उमेदच्या महिलांनीही यात नोंदणी केली. दर शुक्रवार व रविवारी सकाळी ११ वाजता पाणी फाऊंडेशनच्या यूट्युब पेजवर ऑनलाईन शेतीशाळा घेण्यात येते. त्यामध्ये या सर्व महिला व शेतकरी सहभागी होतात. या शेतीशाळेच्या माध्यमातून पाणी फाऊंडेशनने आजवर सोयाबीन या विषयावर आधारित सात प्रकारचे व्हिडिओ तयार केले आहेत. ज्यामध्ये पिकाची ओळख, पूर्वमशागत, बियाणे निवड, कीड नियंत्रणाची पूर्वतयारी, नोंदवही, बीज प्रक्रिया व पेरणी या व्हिडिओंचा समावेश आहे. हे सर्व व्हिडिओ पाणी फाऊंडेशनच्या यूट्यूब पेजसह फेसबुक पेजवर उपलब्ध आहेत. विशेष बाब म्हणजे पाणी फाऊंडेशनचे संस्थापक तथा अभिनेता आमिर खान यांच्यासह जिल्हा अधीक्षक कृषी अधिकारी तथा विभागीय कृषी सहसंचालक शंकरराव तोटावार या ऑनलाईन शेती शाळेत शेतकऱ्यांच्या प्रश्‍नांना उत्तरे देण्यासाठी उपस्थित असतात व संपूर्ण महाराष्ट्रातील शेतकऱ्यांना त्यांच्या प्रश्नांची उत्तरे देतात. पाणी फाऊंडेशनने तयार केलेला पेरणीचा व्हिडिओ खूप लोकांनी आवर्जून पाहिला आहे. यामध्ये पारंपरिक तसेच बीबीएफ पेरणी यंत्राच्या पेरणीतील फरक, त्याचे फायदे-तोटे हे अत्यंत चांगल्या पद्धतीने मांडण्यात आले आहेत. यामुळे यावर्षी बीबीएफ यंत्राने पेरणी करण्यावर शेतकरी भर देत आहेत.
-----------
जिल्ह्यात ५६५१ शेतकऱ्यांची नोंदणी
डिजिटल आॅनलाइन शेती शाळेसाठी जिल्ह्यातील ५६५१ शेतकऱ्यांनी नोंदणी केली आहे. त्यात कारंजा लाड तालुक्यातील ३७०४ व मंगरूपीर तालुक्यातील १९४७ शेतकºयांचा समावेश असून, संपूर्ण राज्यातून ४६ हजार शेतकºयांनी या आॅनलाइन शेती शाळेसाठी नोंदणी केली आहे. या सर्व शेतकºयांचे पाणी फाऊंडेशनने व्हॉट्सअॅप ग्रुप तयार केलेले असून, या ग्रुपवर शेतकरी प्रश्न विचारू शकतात, आपल्या समस्या मांडू शकतात, तसेच त्यांच्या शंकाचे निरसन, त्यांच्या प्रत्येक प्रश्नाचे उत्तरही या ग्रुपवर शेतकºयांना दिले जाते. तसेच शेतकºयाकडून आलेल्या प्रश्नावर लाईव्ह कार्यक्रमांत चर्चाही केली जाते.