मंगरुळपीर येथे पाण्यात बुडून इसमाचा मृत्यू

मंगरुळपीर शहरालगत असलेल्या गाव शिवारातील तलावात घडली घटना.

मंगरुळपीर (जि. वाशिम), दि. ३- शहरालगत असलेल्या गाव शिवारातील तलावात २ ऑगस्ट रोजी सायंकाळी ६ वाजताच्या सुमारास एकाचा पाण्यात बुडून मृत्यू झाल्याची घटना उघडकीस आली. शहरातील वार्ड क्रमांक ९ मधील हाफीजपुरा येथील रहिवासी शेख अफसर खॉ वाहेद खॉ हे म्हैशीला काढण्यासाठी तलावात गेले असता, पाण्यात बुडून त्यांचा मृत्यू झाला. या प्रकरणी पोलिसांनी आकस्मिक मृत्यूची नोंद केली आहे.