वाहन अपघातात सहा जण गंभीर

मागील दोन वर्षांपासून कारंजा शहरालगत समृद्धी महामार्गाचे काम सुरू आहे. या मार्गावर दररोजप्रमाणे आजही एम एच ३७ टी ०६८८ क्रमांकाचे वाहन मजूर घेऊन जात असताना मार्गातील ८४ क्रमांकाच्या पाॅईंटजवळ वाहनचालकाला मार्गावरील मातीचा ढिगारा दिसला नसल्याने वाहन मातीच्या ढिगाऱ्यावर चढून अपघात झाला. यामध्ये संजय बाबूसिंग पवार रा. बालाजीनगर कारंजा, महिपालसिंग मुलीसिंग, विकास श्रीराम तिवारी, पवन वीरेंद्र त्रिवेदी, प्रमोदकुमार अयोद्धीप्रसाद बदोरिया व महिपालसिंग गोविंदसिंह रावत सर्व रा. पीएनसी कॅम्प आखतवाडा हे गंभीर जखमी झाले. जखमी अवस्थेत त्यांना प्राथमिक उपचारासाठी कारंजा उपजिल्हा रुग्णालयात दाखल करण्यात आले. परंतु प्रकृती गंभीर असल्याने उपरोक्त सहाही जणांना पुढील उपचारासाठी वाशिम येथे पाठविण्यात आले. दरम्यान वृत्त लिहिस्तोवर अपघाताच्या या घटनेच्या पोलिसातील नोंदीबाबत मात्र तपशील प्राप्त झाला नाही.