लोकमत न्यूज नेटवर्क
कामरगाव (वाशिम) : येथून जवळच असलेल्या म्हसला फाट्यानजिक कार, मोटार सायकल आणि आॅटोच्या अपघातात सहाजण गंभीर जखमी झाले. ही घटना ८ आॅगस्ट रोजी दुपारी ३ वाजताच्या सुमारास घडली.
याबाबत पोलिसांनी दिलेल्या माहितीनुसार, अमरावतीहून पिंजरकडे (जि.अकोला) बहिणीकडे रक्षाबंधनासाठी मोटार सायकलने (क्रमांक एम.एच.२७ बी.डी. ५८३४) जात असताना समोरून येणाºया एम.एच. १४ ए.एल. ३३३३ या क्रमांकाच्या कारने धडक दिल्याने सागर राजेंद्र वानखडे (वय ३० वर्षे) हा गंभीर जखमी झाला. याचवेळी पाठीमागून येत असलेल्या एम.एच.३७ जी. ३४८७ या क्रमांकाच्या आॅटो बचावाचा प्रयत्न करित असताना उलटला. त्यामुळे त्यात बसून असलेले प्रवासी शिवदास विठूजी साबळे, सिता अनिल साबळे, सलाम सै.मुबारक (रा.म्हसला), इंदुबाई बापुराव आडे (रा.धोत्रा) सै.सादीक सै.मंजुर (रा.कामरगाव) हे सर्व गंभीर जखमी झाले. दरम्यान, कामरगाव ग्रामीण रुग्णालयात जखमींवर प्रथमोपचार करून सर्वांना अमरावती येथे हलविण्यात आले. पुढील तपास सहायक पोलिस निरीक्षक राहूल गुहे यांच्या मार्गदर्शनाखाली जमादार शंकर जाधव, आसिफ खान, शामलसिंह ठाकुर करित आहेत.