ट्रकच्या धडकेत मोटारसायकलस्वार ठार

मालेगाव येथील नागरदास बायपासनजिकच्या अपघातात एक ठार,एक जखमी.

मालेगाव (जि. वाशिम): मालेगाव येथून अकोला जात असलेल्या एका मोटारसायकलला एका ट्रकने जबर धडक दिल्याची घटना नागरदास बायपास चौकात २0 सप्टेंबर रोजी सकाळी १0 वाजता दरम्यान घडली. या अपघातात एकजण ठार तर एक जण जखमी झाले आहे. २0 सप्टेंबर रोजी सकाळी १0 वाजताच्या दरम्यान अकोला जात असलेल्या एम.एच. ३७ - ७३३८ क्रमांकाच्या मोटार सायकलवर महादेव गायकवाड रा. वडप व अभिषेक चोपडे रा. वाशीम जात असतांना नागरदास मार्गे सी.जी. 0४ जे.डी. ७५२९ क्रमांकाच्या ट्रकने भरधाव वेगाने येत मोटारसायकलला जबर धडक दिली. ती धड.क एवढी गंभीर होती की मोटारसायकलचे चालक गायकवाड. हे दूरवर फेकल्या गेलेत, व त्यांचा मृत्यू झाला. तसेच मोटारसायकलवर मागे बसलेले चोपडे यांच्या हाता,पायला मार जबर लागला आहे. ट्रकने मोटारसायकलला धडक मारल्यानंतर ट्रक चालकने ट्रकसह तेथून पळ् काढण्याचा प्रयत्न केला, मात्न ग्रामस्थ व पोलिस वेळीच घटनास्थळी पोहचल्याने जुन्या टोल नाक्याजवळ ट्रकला पकडण्यात यश आले. परंतु संधी पाहून चालक ट्रक सोडून फरार होण्यात यशस्वी झाला. बायपासवर अपघात होणे नित्याचीच बाब झाली आहे , त्यामुळे तेथे गतिरोधक उभारण्याची व महामार्ग पोलिसची कायमस्वरुपी व्यवस्था करण्याची मागणी नागरिकांतून होत आहे.