---------
शेतकऱ्यांची वहिवाट बंद
वाशिम: तालुक्यातील दगडउमरासह इतर काही गावांतील शिवारात पाणंद रस्त्यांची कामे झालेली नाहीत. गत आठवड्यात आलेल्या पावसामुळे या रस्त्यांवर चिखल झाल्याने शेतकऱ्यांची वहिवाट बंद पडली आहे. यामुळे उडीद, मूग आदी पिकांची काढणी खोळंबली आहे.
--------------
झुकलेल्या खांबांमुळे अपघाताची शक्यता
वाशिम: तालुक्यातील ग्रामीण भागांत शेतकऱ्यांना वीज जोडणीसाठी उभारलेले वीज खांब गत आठवड्यात आलेला पाऊस आणि वादळी वाऱ्यामुळे झुकले आहेत. एखाद वेळी खांब कोसळल्यास अपघाताची भीती असल्याने हे खांब सरळ करण्याची मागणी होत आहे.
------------------
बीएसएनएलची कनेक्टिव्हिटी खंडित
वाशिम: गत काही दिवसांपासून भारत संचार निगम लिमिटेडच्या इंटरनेटची कनेक्टिव्हिटी वारंवार खंडित होत आहे. त्यामुळे आपले सरकार केंद्रांतील कामे खोळंबून ग्रामस्थ, शेतकरी, विद्यार्थ्यांना त्रास सहन करावा लागत आहे.
-------