वाशिम : इयत्ता दहावी, बारावीच्या विद्यार्थ्यांना सवलतीचे वाढीव क्रीडा गुण देण्यासाठी २१ जूनपर्यंत प्रस्ताव मागविण्यात आले आहेत. १८ जूनपर्यंत केवळ ७० प्रस्ताव प्राप्त झाले आहेत.
कोविड-१९ च्या प्रादुर्भावामुळे शैक्षणिक सत्रच सुरू झालेले नसल्यामुळे खेळाडू विद्यार्थ्यांचा खेळामध्ये सहभाग होऊ शकलेला नाही. त्यामुळे सन २०२१-२१ या वर्षात माध्यमिक शालांत प्रमाणपत्र (इयत्ता दहावी) परीक्षेसाठी प्रविष्ट विद्यार्थ्यांच्या बाबतीत इयत्ता ८ वी आणि ९ वी मध्ये सदर विद्यार्थ्यांचा क्रीडा स्पर्धेतील सहभाग विचारात घेण्यात यावा व सदर विद्यार्थ्यास सन २०२०-२१ करिता सवलतीचे क्रीडा गुण देण्यात येणार आहेत तसेच सन २०२०-२१ या वर्षात इयत्ता बारावी परीक्षेस प्रविष्ट विद्यार्थ्यांच्या बाबतीत इयत्ता १२ वी पूर्वी इयत्ता ११ वीमधील विद्यार्थ्यांचा क्रीडा सहभाग विचारात घेण्यात येणार आहेत. जिल्हा क्रीडा अधिकारी कार्यालयाला निर्देश प्राप्त होताच सवलतीच्या गुणांसाठी प्रस्तावांची छाननी करून महाराष्ट्र राज्य माध्यमिक व उच्च माध्यमिक शिक्षण मंडळाकडे प्रस्ताव पाठविण्यात येणार आहे. सर्व प्राचार्य व मुख्याध्यापकांनी सन २०२०-२१ मध्ये इयत्ता दहावी व इयत्ता बारावीमध्ये शिकत असलेल्या खेळाडू विद्यार्थ्यांचे अनुक्रमे इयत्ता ८ वी ते ९ वी मधील खेळाच्या प्रावीण्य प्रमाणपत्राच्या प्रती मुख्याध्यापक, प्राचार्य यांच्याद्वारा साक्षांकित करून प्रस्ताव दोन प्रतीत २१ जून २०२१ पर्यंत जिल्हा क्रीडा अधिकारी कार्यालय वाशिम येथे सादर करणे आवश्यक आहे. १८ जूनपर्यंत केवळ ७० प्रस्ताव प्राप्त झाले आहेत.
000000
दहावीतील एकूण विद्यार्थी - १९७१५
बारावीतील एकूण विद्यार्थी - १८१७५
०००००
बॉक्स
गतवर्षातील क्रीडा सहभाग विचारात घेणार
कोरोनामुळे २०२०-२१ या वर्षात क्रीडा स्पर्धा घेण्यात आल्या नाहीत. त्यामुळे बारावीच्या विद्यार्थ्यांसाठी ११ वीमधील क्रीडा सहभाग विचारात घेण्यात येणार आहे तसेच दहावीसाठी इयत्ता आठवी आणि नववीमध्ये सदर विद्यार्थ्यांचा क्रीडा स्पर्धेतील सहभाग विचारात घेण्यात येणार आहे.
००००
कोट बॉक्स
सवलतीच्या क्रीडा गुणांसाठी दहावी व बारावीच्या विद्यार्थ्यांकडून २१ जूनपर्यंत प्रस्ताव मागविण्यात आले आहेत. २१ जूनपर्यंत प्राप्त प्रस्ताव २५ जूनपर्यंत वरिष्ठांकडे पाठविण्यात येणार आहेत. १८ जूनपर्यंत जवळपास ७० प्रस्ताव प्राप्त झाले आहेत.
- चंद्रकांत उप्पलवार
जिल्हा क्रीडा अधिकारी, वाशिम