ट्रक अपघातात एक ठार; दोन जखमी

उभ्या ट्रकला मागून धडक दिल्याने, मोटारसायकलस्वाराचा जागीच मृत्यू

कामरगाव: कामरगाववरुन माटोडा फाट्याजवळ उभ्या असलेल्या ट्रकला मागून धडक दिल्याने, मोटारसायकलस्वाराचा जागीच मृत्यू झाला. ही घटना गुरूवारी रात्री ८ वाजताच्या दरम्यान घडली. दुसर्‍या एका अपघातात दोन जण जखमी झाले. एम.एच.३४ ए १६९१ क्रमांकाचा ट्रक माटोडा फाट्याजवळ उभा असताना, एम.एच.३७ एम.५९५७ क्रमांकाचा मोटारसायकलस्वार महेंद्र विनायकसिंग चव्हाण रा.हिंगणवाडी (वय ५३ वर्ष) यांनी या ट्रकला मागून धडक दिली. यामध्ये महेंद्र चव्हाण जागीच ठार झाले. दुसर्‍या अपघातात धनज खु. जवळ पायी जात असलेल्या इसमाला पाठी मागुन दुचाकीने धडक दिल्याने दोघे जण जखमी झाले. गॅस प्लँटवरुन काम आटोपून घरी जात असलेले बाबाराव रघुनाथ जगताप (वय ५१ वर्ष) रा.माळेगाव यांना पाठीमागुन येत असलेल्या एम.एच.३७ टि 0४७0 या क्रमांकाच्या मोटारसायकलने धडक दिली. यामध्ये मोटारसायकलस्वार राहुल अशोक इंगळे रा.धनज खुर्द व बाबाराव जगताप हे दोघे जखमी झाले. त्यांना प्रथमोपचारासाठी कामरगाव येथील ग्रामीण रुग्णालयात भरती केले. पुढील तपास ठाणेदार मनिष ठाकरे यांच्या मार्गदर्शनाखाली जमादार शिवदास चव्हाण व चमू करीत आहे.