मंगरूळपीर : ट्रॅक्टर व दुचाकीच्या अपघातात एक जण जागीच ठार तर दोन जण गंभीर जखमी झाल्याची घटना तालुक्यातील मोहरी येथे २२ एप्रिल रोजी रात्रीच्या सुमारास घडली आहे.
फिर्यादी विनोद ताटके, रा. आमगव्हाण यांनी तक्रार दिली की, २२ एप्रिल रोजी रात्री ९ वाजताच्या दरम्यान मोहरी येथील पॉवरहाउसजवळ आरोपी ट्रॅक्टरचालक प्रथमेश इंगळे याने एम.एच. ३७, ५०४५ क्रमांकाचा ट्रॅक्टर भरधाव वेगाने व निष्काळजीपणे चालवून एम एच ३७ एम ८२५ क्रमांकाच्या दुचाकीला धडक दिली. यामध्ये दिनेश ताटके, रा. आमगव्हाण याचा मृत्यू झाला, तर अजय ताटके रा. आमगव्हाण व चंदू देवकते हे गंभीर जखमी झाले. या तक्रारीवरून पोलिसांनी ट्रॅक्टरचालकाविरुद्ध कलम ३०४ अ, २७९, ३३७, ३३८ भादंवि व मोटार वाहन कायदा १८४ नुसार गुन्हा दाखल केला आहे. या प्रकरणाचा तपास पोहेकॉं महादेव सोळंके करीत आहेत.