अपघातात एक ठार; दोन गंभीर जखमी

कनेरगावनजीकच्या पैनगंगा नदीच्या पुलावर घडला अपघात.

कनेरगाव नाका, दि. ९- विरुद्ध दिशेने येणार्‍या दोन दुचाकींमध्ये अपघात होऊन एक ठार तर दोन जण जखमी झाल्याची घटना कनेरगावनजीकच्या पैनगंगा नदीच्या पुलावर सायंकाळी ६.३0 वाजता दरम्यान घडली. कनेरगाववरून एम.एच ३८ आर १0२0 ही दुचाकी तर वाशिमकडून एमएच ३८ आर ६२३३ ही दुचाकी येत होती. या दोन्ही दुचाकींची पैनगंगा नदीवरील पुलावर धडक झाली. यामध्ये कामधेनू इंडस्ट्रीज अँग्रो कंपनीत काम करणारा जिंदर सिंग (३0) हा जागीच ठार झाला तर दुसरा गुरुदीपसिंग (५0) हा गंभीर जखमी झाला. समोरून येणार्‍या दुचाकीवरील विजय गौतम भगत (२५) रा. कानरखेडा खुर्द हा गंभीर जखमी असून त्याच्या डोक्याला जबर मार लागला. अपघाताची घटना घडताच गावातील नागरिकांनी घटनास्थळ गाठले. जखमींना वाशिम येथील रुग्णालयात दाखल केले. विजय भगत यांना वाशिमवरून अकोला येथे पुढील उपचारार्थ हलविण्यात आले. यावेळी अपघातस् थळी दोन्ही बाजूने वाहतूक ठप्प होती. रस्ता सुरळीत करण्यासाठी चौकीचे जमादार श्याम खुळे व पोलीस नाईक मोहन धाबे यांनी प्रयत्न केला. वाशिम पोलीस स्टेशनला याप्रकरणी माहिती देण्यात आली. अपघातामधील मयत जिंदर सिंग हा पंजाबाचा राहणार असून राजगाव जिल्हा वाशिम येथील कामधेनू अँग्रो इंडस्ट्रिजमध्ये तो काम करीत होता.